Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightകണ്ണൂരിൽ അപകട...

കണ്ണൂരിൽ അപകട സമ്പർക്കം; സ്​ഥിതി സങ്കീർണം

text_fields
bookmark_border
കണ്ണൂർ: ജില്ലയിൽ സമ്പർക്കവും ഉറവിടമറിയാത്ത രോഗികളുടെ എണ്ണത്തിലെ വർധനയും സ്​ഥിതി സങ്കീർണമാക്കുന്നു. ജില്ലയിൽ ഇതുവരെ റിപ്പോർട്ട്​ ചെയ്​തതിൽ ഏറ്റവും വലിയ രോഗികളുടെ കണക്കാണ്​ ചൊവ്വാഴ്​ച സ്​ഥിരീകരിച്ചത്​. രോഗികളുടെ എണ്ണത്തിൽ 100 കടന്ന ആശങ്കയിലാണ്​ കണ്ണൂർ. ആഗസ്​റ്റ്​ രണ്ടാം വാരത്തോടെയാണ്​ ജില്ലയിൽ രോഗികളുടെ എണ്ണത്തിൽ ക്രമാതീതമായ വർധന​ ഉണ്ടായത്​. നിലവിൽ 650 പേരാണ്​ ചികിത്സയിലുള്ളത്​. ചൊവ്വാഴ്​ച പോസിറ്റിവായ 123 പേരിൽ 111 പേർക്കും സമ്പർക്കം വഴിയാണ്​ രോഗം ബാധിച്ചത്​. കഴിഞ്ഞ ദിവസം അഴീക്കോടെ ഒരു കുടുംബത്തിലെ ഒമ്പതു​പേർക്ക്​ ഉറവിടമറിയാതെ സമ്പർക്കം വഴി രോഗം ബാധിച്ചിരുന്നു. കൂടാതെ വളപട്ടണം ചിറക്കൽ പഞ്ചായത്തിലെ ഒരു കുടുംബത്തിലെ 13 പേർക്കും രോഗം ബാധിച്ചു. ഇരിട്ടി, ചെങ്ങളായി, ചപ്പാരപ്പടവ്​ എന്നിവിടങ്ങളിലെല്ലാം സ്​ഥിതി സങ്കീർണമാണ്​. ഇരിട്ടി താലൂക്ക്​ ആശുപത്രി ഒ.പി പ്രവർത്തനംതന്നെ നിർത്തിയിരിക്കുകയാണ്​. വ്യാപാര സ്​ഥാപനത്തിലെയും മറ്റും ഒാണക്കാല തിരക്ക്​ സമ്പർക്ക വ്യാപനത്തിന്​ വഴിവെക്കുമോ എന്ന ഭീതിയിലാണ്​ അധികൃതർ ഇപ്പോൾ​. നിരവധി ഒാഫറുകൾ പ്രഖ്യാപിച്ചതിനാൽ നിലവിൽതന്നെ നഗരത്തിലെ ഇലക്​ട്രോണിക്​സ്​ കടകളിലടക്കം നല്ല തിരക്കാണ്​. ഒാണം പ്രമാണിച്ച്​ കടകളുടെ പ്രവർത്തന സമയം അഞ്ചുമണി എന്നത്​ ഏഴു മണിവരെ ദീർഘിപ്പിക്കാനുള്ള തീരുമാനവും തിരക്ക്​ വർധിപ്പിക്കാൻ കാരണമാകും. സമ്പർക്ക വ്യാപനം തടയാൻ ജില്ല ദുരന്ത നിവാരണ അതോറിറ്റി, ആരോഗ്യ- പൊലീസ്​ വകുപ്പുകൾ എന്നിവരുടെ നേതൃത്വത്തിൽ ഉൗ ർജിത പ്രവർത്തനങ്ങളാണ്​ നടത്തുന്നത്​. എല്ലാ തദ്ദേശ ഭരണ സ്​ഥാപനങ്ങളും കേന്ദ്രീകരിച്ച്​ മാസ്​, ആൻറിജൻ കോവിഡ്​ ടെസ്​റ്റുകൾ ഇപ്പോൾ നടത്തുന്നുണ്ട്​. കൂടാതെ, രോഗം സ്​ഥിരീകരിച്ചവരുടെ പ്രൈമറി, സെക്കൻഡറി സമ്പർക്ക പട്ടിക തയാറാക്കുന്ന നടപടിയും പൊലീസി‍‍ൻെറ നേതൃത്വത്തിൽ കാര്യക്ഷമമായാണ്​ നടപ്പാക്കുന്നത്​.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story