അഞ്ചരക്കണ്ടി ടൗണും പ്രധാന റോഡുകളും അടച്ചു

അഞ്ചരക്കണ്ടി: . നടപടിയിൽ വ്യാപക പ്രതിഷേധം. അഞ്ചരക്കണ്ടി - ചാലോട് റോഡ്, വേങ്ങാട് - കല്ലായി - കൂത്തുപറമ്പ് റോഡ്, മട്ടന്നൂർ റോഡ്​, തട്ടാരി പാലം, ചാമ്പാട് പാലം എന്നിവയാണ് അടച്ചത്. വേങ്ങാട് പഞ്ചായത്തിലെ കല്ലായി വാർഡിലെ ഒരാൾക്ക് ശനിയാഴ്​ച സമ്പർക്കത്തിലൂടെ കോവിഡ് സ്ഥിരീകരിച്ചിരുന്നു. ഇയാൾക്ക് 21ാം വാർഡിലുള്ള ചിലരുമായി പ്രാഥമിക, രണ്ടാംഘട്ട സമ്പർക്കം കണ്ടെത്തിയതിനെ തുടർന്നാണ്​ അഞ്ചരക്കണ്ടി ടൗൺ പൂർണമായും അടച്ചത്. അടച്ചിട്ട സ്ഥലങ്ങളിലുള്ള ജനങ്ങൾക്ക് ആശുപത്രി ആവശ്യങ്ങൾക്ക് പോവാൻ കിലോമീറ്ററോളം ചുറ്റി വളയേണ്ട അവസ്ഥയാണ്. റോഡ് പകുതി ഭാഗം അടച്ച് െപാലീസി‍ൻെറ സഹായം ഉപയോഗപ്പെടുത്തി ആശുപത്രി, അവശ്യ സർവിസുകളെ കടത്തിവിടാനുള്ള സംവിധാനം ഒരുക്കണമെന്നാണ് ആവശ്യം.