വളർത്തുനായ്​ക്ക്​ തീറ്റ നൽകിയില്ലെന്ന്​ ആരോപിച്ച്​ അച്ഛൻ മകനെ കുത്തിക്കൊന്നു

ശ്രീകണ്​ഠപുരം: വളർത്തുനായ്​ക്ക്​ തീറ്റനൽകിയില്ലെന്നാരോപിച്ച്​ മദ്യലഹരിയിലെത്തിയ അച്ഛൻ മകനെ കുത്തിക്കൊന്നു. പയ്യാവൂര്‍ ഉപ്പുപടന്നയിലെ ഷാരോൺ (20) ആണ് മരിച്ചത്. പിതാവ് തേരകത്തനാടി സജിയെ (53) പയ്യാവൂർ എസ്.ഐ പി.സി. രമേശൻ അറസ്​റ്റ്​ ചെയ്​തു. ശനിയാഴ്ച വൈകീട്ടായിരുന്നു ദാരുണമായ കൊല. ഭാര്യ വിദേശത്തായതിനാൽ സജിയും മക്കളും മാത്രമാണ് വീട്ടിലുള്ളത്. മദ്യപിച്ചു വീട്ടിലെത്തുന്ന സജി മക്കളെ പതിവായി ഉപദ്രവിക്കുമായിരുന്നത്രേ. ഇത് ഷാരോണ്‍ ചോദ്യം ചെയ്യാറുണ്ടായിരുന്നു. ഇതിനെ തുടര്‍ന്ന് വീട്ടില്‍ നിത്യവും വഴക്കും കൈയാങ്കളിയും നടന്നിരുന്നതായി അയല്‍വാസികള്‍ പറയുന്നു. സംഭവത്തി​ൻെറ തലേന്ന് ഉണ്ടായ വഴക്കിനിടയിൽ സജിക്ക് വീണ് പരിക്കേറ്റിരുന്നു. ഇതി​ൻെറ പകയാണ് കൊലപാതകത്തിലേക്ക് നയിച്ചതെന്ന്​ പൊലീസ്​ പറഞ്ഞു. ശനിയാഴ്​ച വൈകീട്ട്​ മദ്യപിച്ച് വീട്ടിലെത്തിയ സജി, നായ്​ക്ക് തീറ്റ കൊടുത്തില്ലെന്നാരോപിച്ച് ഷാരോണുമായി വഴക്കുണ്ടാക്കി. ഇതിനിടെയാണ് കൈയിൽ കരുതിയിരുന്ന കത്തി ഉപയോഗിച്ച് ഷാരോണി​ൻെറ പുറത്ത് കുത്തിയത്. നിലവിളിച്ച് പിടഞ്ഞുവീണ ഷാരോണിനെ ഓടിയെത്തിയ നാട്ടുകാര്‍ കണ്ണൂരിലെ ആശുപത്രിയിലേക്ക് കൊണ്ടു പോകവെ മരിച്ചു. പയ്യാവൂർ പൊലീസ് സജിയെ കസ്​റ്റഡിയിലെടുത്ത് ചോദ്യം ചെയ്​തപ്പോഴാണ് മനപ്പൂർവമുള്ള കൊലയാണെന്ന് തെളിഞ്ഞത്. പ്രതിയെ തളിപ്പറമ്പ് കോടതിയിൽ ഹാജരാക്കി. മാതാവ്​: സിൽജ (നഴ്​സ്​​, ഇറ്റലി), സഹോദരൻ: ഷാർലെറ്റ് (വിദ്യാർഥി). കണ്ണൂർ ഗവ. മെഡിക്കൽ കോളജ്​ ആശുപത്രിയിൽ സൂക്ഷിച്ച മൃതദേഹം പോസ്​റ്റ്​മോർട്ടത്തിനുശേഷം പിന്നീട് സംസ്​കരിക്കും. ഫോട്ടോ: kng SKPM death Sharon: കുത്തേറ്റ് മരിച്ച ഷാരോൺ ഫോട്ടോ: kng SKPM Prathi Saji: പ്രതി സജി