Begin typing your search above and press return to search.
exit_to_app
exit_to_app
Posted On
date_range 13 Aug 2020 11:58 PM GMT Updated On
date_range 13 Aug 2020 11:58 PM GMTഖാദി മേഖലയിലെ പ്രതിസന്ധിക്ക് പരിഹാരം കാണണം
text_fieldsbookmark_border
പയ്യന്നൂർ: ഖാദി തൊഴിലാളികളുടെ മിനിമം കൂലി കുടിശ്ശികയും ഉൽപാദന ഇൻസൻെറിവും ഓണക്കാലത്ത് നൽകാറുള്ള ഉത്സവബത്തയും ഓണത്തിനു മുമ്പ് വിതരണം ചെയ്യണമെന്ന് ഖാദി വർക്കേഴ്സ് ഫെഡറേഷൻ (സി.ഐ.ടി.യു) സംസ്ഥാന കമ്മിറ്റി യോഗം ആവശ്യപ്പെട്ടു. സംസ്ഥാന സർക്കാർ നടപ്പാക്കിയ പൂരക വരുമാന പദ്ധതിപ്രകാരമുള്ള ധനസഹായത്തോടെയാണ് തൊഴിലാളികൾക്ക് മിനിമം കൂലി നൽകുന്നത്. ഇത് ഏഴു മാസമായി കുടിശ്ശികയാണ്. വ്യവസായ സംരക്ഷണവും അടച്ചുപൂട്ടലിനെ തുടർന്ന് തൊഴിലും വരുമാനവും നഷ്ടപ്പെട്ട തൊഴിലാളികൾക്കും കുടുംബാംഗങ്ങൾക്കും പ്രത്യേക ധനസഹായവും സൗജന്യ ഭക്ഷ്യധാന്യങ്ങളും അനുവദിക്കണമെന്നാവശ്യപ്പെട്ട് സെപ്റ്റംബർ 15ന് സംസ്ഥാന വ്യാപകമായി പ്രക്ഷോഭം സംഘടിപ്പിക്കാനും ഫെഡറേഷൻ തീരുമാനിച്ചു. ഇതിൻെറ ഭാഗമായി കേന്ദ്ര സർക്കാർ ഓഫിസുകൾക്ക് മുന്നിലും തൊഴിലിടങ്ങളിലും കോവിഡ് മാനദണ്ഡങ്ങൾ പാലിച്ച് ധർണ സംഘടിപ്പിക്കും. യോഗത്തിൽ പ്രസിഡൻറ് സോണി കോമത്ത് അധ്യക്ഷത വഹിച്ചു. ജനറൽ സെക്രട്ടറി സി. കൃഷ്ണൻ എം.എൽ.എ റിപ്പോർട്ട് അവതരിപ്പിച്ചു. പി. രാജേന്ദ്രദാസ്, പി.കെ. രാജൻ, കെ. ധനഞ്ജയൻ, കെ. സത്യഭാമ, പി. കൃഷ്ണകുമാരി, എം. ചന്ദ്രമതി, തുളസീധരൻ ഉണ്ണിത്താൻ എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story