Begin typing your search above and press return to search.
exit_to_app
exit_to_app
Posted On
date_range 1 July 2020 8:13 PM GMT Updated On
date_range 1 July 2020 8:13 PM GMTജില്ലയില് സമ്പര്ക്കത്തിലൂടെ കോവിഡ്; ജനങ്ങള് ജാഗ്രത പാലിക്കണം- ഡി.എം.ഒ
text_fieldsbookmark_border
ഇതര സംസ്ഥാനങ്ങളില് നിന്നെത്തുന്നവര് യാത്രാവിവരങ്ങള് മറച്ചുവെക്കരുത് കാസർകോട്: ജില്ലയില് സമ്പര്ക്കത്തിലൂടെ രണ്ടുപേര്ക്ക് കോവിഡ് -19 സ്ഥിരീകരിച്ച സാഹചര്യത്തില് പൊതുജനങ്ങള് ജാഗ്രത പാലിക്കണമെന്നും ആരോഗ്യ വകുപ്പിൻെറ നിർദേശങ്ങള് കര്ശനമായി പാലിക്കണമെന്നും ജില്ല മെഡിക്കല് ഓഫിസര് ഡോ.എ.വി. രാംദാസ് അറിയിച്ചു. ഇതരസംസ്ഥാനങ്ങളില് നിന്ന് ജില്ലയിലെത്തുന്നവര് അവരുടെ ശരിയായ യാത്രാവിവരങ്ങള് വെളിപ്പെടുത്തണം. യാത്രാവിവരങ്ങള് മറച്ചുവെക്കുന്നത് ജില്ലയില് കോവിഡ് സമൂഹ വ്യാപനംപോലുള്ള ഗുരുതരമായ പ്രത്യാഘാതങ്ങള് സൃഷ്ടിക്കും. ഇത് കേരള എപിഡെമിക് ഡിസീസ് ഓര്ഡിനന്സ് 2020 പ്രകാരം ശിക്ഷ ലഭിക്കാവുന്ന കുറ്റകൃത്യവുമാണ്. ഇതര സംസ്ഥാനങ്ങളില്നിന്നും ചെക്പോസ്റ്റ് വഴി അനധികൃതമായി ജില്ലയിലേക്ക് പ്രവേശിച്ച ഒരാള്ക്ക് കോവിഡ് -19 സ്ഥിരീകരിച്ചിട്ടുണ്ട്. ഇദ്ദേഹം യഥാർഥ യാത്രാവിവരങ്ങള് വെളിപ്പെടുത്താത്തതുമൂലം ഇവരുമായി ഇടപഴകിയ ആരോഗ്യ പ്രവര്ത്തകര്ക്ക് മതിയായ മുന്കരുതലുകള് സ്വീകരിക്കാന് സാധിച്ചിരുന്നില്ല. ഇത്തരം സംഭവങ്ങള് ആവര്ത്തിച്ചാല് ആരോഗ്യ സ്ഥാപനങ്ങള് അടച്ചിടേണ്ട സ്ഥിതിവിശേഷം ഉണ്ടാവുകയും ഇത് ജില്ലയിലെ ആരോഗ്യ സംവിധാനത്തെ താളം തെറ്റിക്കുകയും ചെയ്യുമെന്ന് ഡി.എം.ഒ മുന്നറിയിപ്പ് നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story