മട്ടന്നൂരില്‍ വാഹനമിടിച്ച് തെരുവ് വിളക്ക് തൂൺ വീണു

മട്ടന്നൂര്‍: തലശ്ശേരി റോഡില്‍ വാഹനമിടിച്ച് സോളാര്‍ തെരുവ് വിളക്ക് തൂൺ വീണ് ഗതാഗതം തടസ്സപ്പെട്ടു. വ്യാഴാഴ്ച രാത്രിയോടെ ടോപ്‌കോ സില്‍വര്‍ ജ്വല്ലറിക്കുസമീപമാണ് അപകടം. വാഹനം ഇടിച്ചതിനെ തുടർന്ന് തെരുവുവിളക്ക് തൂൺ റോഡിനു കുറുകെ വീഴുകയായിരുന്നു. 15 മിനിറ്റോളം മട്ടന്നൂരിൽ ഗതാഗതം തടസ്സപ്പെട്ടു. ഫയര്‍ഫോഴ്‌സും നാട്ടുകാരും ചേര്‍ന്ന് ഗതാഗതം പുനഃസ്ഥാപിച്ചു.