തെറ്റായ ദിശയിൽ വാഹനം; കുമ്പളം ടോൾ പ്ലാസയിൽ ഗതാഗതക്കുരുക്ക് രൂക്ഷം

കുമ്പളം: ദേശീയപാതയിൽ കുമ്പളം ടോൾ പ്ലാസയിൽ വലിയ വാഹനങ്ങൾ തെറ്റായ ദിശയിലൂടെ കടത്തിവിടുന്നത് പതിവാകുന്നു. ഇത് ഗതാഗതക്കുരുക്കിനും അപകടങ്ങൾക്കും കാരണമാകുന്നതായി യാത്രക്കാരുടെ പരാതി. അരൂർ ഭാഗത്തുനിന്ന് വരുന്ന വലിയ വാഹനങ്ങളാണ് എതിർ ദിശയിൽനിന്നുള്ള വാഹനങ്ങൾ കടത്തിവിടുന്ന ഭാഗത്ത് കൂടി വിടുന്നത്. ഈ ഭാഗത്ത് മാത്രമാണ് വലിയ വാഹനങ്ങൾക്ക് കടന്നുപോകാനുള്ള സൗകര്യം ടോൾ പ്ലാസ അധികൃതർ ഒരുക്കിയിട്ടുള്ളത്. രണ്ടുഭാഗത്തും സൗകര്യം വേണ്ടതാണ്. ഒരു ഭാഗത്ത് മാത്രം സൗകര്യം ഒരുക്കിയതാണ്​ ഗതാഗതക്കുരുക്കിനു​ കാരണം. ടോളില്ലാത്ത വാഹനങ്ങളും ഗതാഗതക്കുരുക്കിൽപെട്ട് വേണം ടോൾ പ്ലാസ കടക്കാൻ. ec net TALL PLAZA കുമ്പളം ടോൾ പ്ലാസയിലെ ഗതാഗതക്കുരുക്ക്