കോവിഡ് മരണം: മാന്യമായ ശുശ്രൂഷ നൽകണം -സി.എസ്.ഐ സഭ

പിറവം: കോവിഡ് അടക്കം ഏതു മാരകരോഗത്താൽ മരിക്കുന്ന സഭാംഗങ്ങളെയും സഭയുടെ സെമിത്തേരിയിൽ അടക്കം ചെയ്യുമെന്ന് ബിഷപ് തോമസ് കെ. ഉമ്മൻ. കോവിഡ് മൂലം സി.എസ്.ഐ സഭാംഗങ്ങൾ മരിച്ചാൽ പ്രാദേശിക സാഹചര്യങ്ങൾ അനുസരിച്ച് കോവിഡ് പ്രോട്ടോ​േകാൾ അനുവദിക്കുന്നപക്ഷം ശുശ്രൂഷകൾ നൽകി സഭയുടെ സെമിത്തേരിയിൽതന്നെ അടക്കം ചെയ്യുമെന്ന് അദ്ദേഹം​ വ്യക്തമാക്കി. കോട്ടയത്തെ കോവിഡ് മരണവുമായി ബന്ധപ്പെട്ട് സി.എസ്.ഐ സഭയുടെ പേര് അനാവശ്യമായി വലിച്ചിഴച്ചതിൽ അദ്ദേഹം പ്രതിഷേധിച്ചു. കോവിഡുമൂലം മരിച്ച പെന്തക്കോസ്ത് വിശ്വാസിയായ വയോധിക​ൻെറ സംസ്കാരവുമായി ബന്ധപ്പെട്ട പ്രശ്നങ്ങളിൽ സി.എസ്.ഐ സഭക്ക്​ ഒരുബന്ധവുമില്ല. ചില മാധ്യമങ്ങളിലൂടെയും സമൂഹ മാധ്യമങ്ങളിലൂടെയും സഭക്കുനേരേ നടന്ന ആക്രമണങ്ങളിൽ മധ്യകേരള മഹായിടവക ഭാരവാഹികളായ വൈദിക സെക്രട്ടറി ജോൺ ഐസക്, അൽമായ സെക്രട്ടറി ഡോ. സൈമൺ ജോൺ, ട്രഷറർ തോമസ് പായിക്കാട്, രജിസ്ട്രാർ ജേക്കബ് ഫിലിപ് കല്ലുമല എന്നിവർ പ്രതിഷേധിച്ചു.