സ്വന്തം കുഞ്ഞുങ്ങളെ മാത്രം എടുക്കുക, മറ്റുള്ളവരുടെ മൊബൈൽ ഫോൺ ഉപയോഗിക്കാതിരിക്കുക

അരൂർ: മണ്ഡലത്തിൽ കോവിഡ്​ അതിവേഗം പടരുന്ന സാഹചര്യത്തിൽ കർശന മുന്നറിയിപ്പുകൾ നൽകി ആരോഗ്യവകുപ്പ്. ചെറിയ കുഞ്ഞുങ്ങളെ എടുക്കുകയോ അവർക്ക് ചുംബനം നൽകുകയോ ചെയ്യരുത്. കുഞ്ഞുങ്ങളെ മാതാപിതാക്കൾമാത്രം എടുക്കാൻ ശ്രമിക്കുക. കുട്ടികളുടെ ​ൈകയിൽ മൊബൈൽ ഫോൺ കൊടുക്കരുത്. കല്യാണം ഉൾപ്പെടെ ആളുകൾ കൂടുന്ന സ്ഥലത്ത് പങ്കെടുക്കാതിരിക്കുക, ആവശ്യമെങ്കിൽ മാത്രം മരണവീടുകൾ സന്ദർശിക്കുക, എല്ലാ ചടങ്ങുകളും യാത്രകളും പൂർണമായി ഉപേക്ഷിക്കുക, മൊബൈൽ ഫോൺ മറ്റുള്ളവർക്ക്​ കൊടുക്കാതിരിക്കുക, മറ്റുള്ളവരുടെ മൊബൈൽ ഫോൺ ഉപയോഗിക്കാതിരിക്കുക, പുറത്തുനിന്നുള്ള ചായ ഡിസ്പോസിബിൾ ഗ്ലാസിൽ കുടിക്കുക, നോട്ട് ഇടപാട് നടത്തിക്കഴിഞ്ഞാൽ ഉടൻ സാനിറ്റൈസർ ഉപയോഗിക്കുക, കടയിൽനിന്ന്​ എന്തുവാങ്ങിയാലും സാനിറ്റൈസർ ചെയ്തു കൈ കഴുക​​ുക, അപരിചിതരെ വാഹനത്തിൽ കയറ്റാതിരിക്കുക, വാഹനത്തിൽ എ.സി പൂർണമായി ഒഴിവാക്കുക തുടങ്ങിയ നിർദേശങ്ങളാണ് ആരോഗ്യവകുപ്പ് അധികൃതർ നൽകിയിരിക്കുന്നത്.