ബൈക്കപകടത്തിൽ പരിക്കേറ്റ ക്രൈംബ്രാഞ്ച് ഉദ്യോഗസ്ഥൻ മരിച്ചു

കൊച്ചി: ബൈക്കപകടത്തിൽ പരിക്കേറ്റ് ചികിത്സയിലിരുന്ന ക്രൈംബ്രാഞ്ച് ഉദ്യോഗസ്ഥന്‍ മരിച്ചു. ക്രൈംബ്രാഞ്ച് എറണാകുളം യൂനിറ്റിലെ ഗ്രേഡ് എ.എസ്.ഐ എളമക്കര കീർത്തിനഗർ സ്വദേശി കൂളിയത്ത് കെ.ജെ. ജോസഫാണ്​ (48) മരിച്ചത്. കഴിഞ്ഞ വ്യാഴാഴ്ച ഇടപ്പള്ളി പള്ളിക്ക് സമീപമായിരുന്നു അപകടം. എളമക്കരയിലെ വീട്ടില്‍നിന്ന് ഡ്യൂട്ടിക്ക് വരുകയായിരുന്നു. ഇതിനിടെ, ജോസഫി​ൻെറ ബൈക്ക് നിയന്ത്രണം വിട്ട് മറിയുകയും തലയുടെ പിന്‍ഭാഗം ഇടിച്ച് വീഴുകയുമായിരുന്നു. ഭാര്യ: സന്ധ്യ. മക്കള്‍: അലൻ സാമുവൽ (പ്ലസ് ടു വിദ്യാർഥി), മരിയ കാതറിൻ (10ാം ക്ലാസ് വിദ്യാർഥിനി). സംസ്കാരം ബുധനാഴ്ച രാവിലെ 11ന് പൊറ്റക്കുഴി ലിറ്റിൽ ഫ്ലവർ പള്ളി സെമിത്തേരിയിൽ. ekd jospeh crime branch(48)