കുമ്പളങ്ങിയിൽ കശാപ്പിന്​ കൊണ്ടുവന്ന എരുമ വിരണ്ടോടി

രണ്ട്​ കി.മീ. കായൽ നീന്തിക്കടന്നു പള്ളുരുത്തി: കശാപ്പിന്​ കൊണ്ടുവന്ന എരുമ വിരണ്ടോടിയത് പരിഭ്രാന്തി പരത്തി. ചൊവ്വാഴ്ച രാവിലെ 8.30 ഓടെയാണ് സംഭവം. കുമ്പളങ്ങി കംപ്രഷൻ മുക്കിന് സമീപത്തുനിന്ന് പടിഞ്ഞാറുഭാഗത്തേക്ക് ഓടിയശേഷം എരുമ കായലിൽ ചാടുകയായിരുന്നു. ഓടുന്നതിനി​െട വഴിയിൽ കണ്ട ബൈക്ക് ഇടിച്ചുതെറിപ്പിച്ചശേഷം സമീപ​െത്ത കാറിനുനേരെയും തിരിഞ്ഞു. ഉടമ പിന്നാലെ പാഞ്ഞെങ്കിലും എരുമ മെരുങ്ങിയില്ല. കായലിൽ ചാടിയ ശേഷം കണ്ണമാലി ഭാഗത്തേക്ക് എരുമ നീന്തിപ്പോയി. വള്ളത്തിന് പിന്നാലെയെത്തി എരുമയെ കെട്ടിവലിക്കാൻ ശ്രമിച്ചെങ്കിലും വള്ളത്തിനുനേരെ ആക്രമിക്കാൻ ഒരുങ്ങിയതിനെത്തുടർന്ന് ശ്രമം ഉപേക്ഷിച്ച ഉടമസ്ഥൻ അഗ്​നിരക്ഷാ സേനയെ വിവരം അറിയിച്ചു. രണ്ട്​ കി.മീ. കായൽഭാഗം നീന്തിക്കടന്ന് കണ്ണമാലി വാട്ടർ ടാങ്കിന് സമീപം എരുമ നീന്തിക്കയറി. പിടിച്ചുകെട്ടാൻ ശ്രമിച്ച അഗ്​നിരക്ഷാസേന സംഘത്തിനുനേരെയും എരുമ ആക്രമണത്തിന് മുതിർന്നു. നീണ്ട ശ്രമത്തിനൊടുവിൽ മട്ടാഞ്ചേരി ഫയർ സ്​റ്റേഷൻ ഓഫിസർ പ്രേമരാജൻ കക്കാടിയുടെ നേതൃത്വത്തിലെത്തിയ സംഘം കുരുക്ക് എറിഞ്ഞ് എരുമയെ മെരുക്കുകയായിരുന്നു.