Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightപുതിയ ജീപ്പ്​ കോംപസ്...

പുതിയ ജീപ്പ്​ കോംപസ് വിപണിയില്‍; വില 16.99 ലക്ഷം മുതല്‍

text_fields
bookmark_border
കൊച്ചി: പ്രീമിയം എസ്.യു.വി ജീപ്പ്​ കോംപസി​ൻെറ പുതിയ പതിപ്പ്, ഫിയറ്റ് ക്രൈസ്ലര്‍ ഓട്ടോ മൊബൈല്‍സ് വിപണിയില്‍ എത്തിച്ചു. പുതിയ ഇന്ത്യന്‍ നിര്‍മിത ജീപ്പ്​ കോംപസി​ൻെറ വില 16.99 ലക്ഷം രൂപയിലാണ് തുടങ്ങുന്നത്. ഏഴു നിറത്തിലും നാലു ട്രിമ്മിലും 11 പതിപ്പിലും പുതിയ ജീപ്പ്​ കോംപസ് ലഭിക്കും. 80ാം വാര്‍ഷികാഘോഷങ്ങളുടെ ഭാഗമായി ഇറക്കിയ മൂന്ന്​ പ്രത്യേക പതിപ്പുമുണ്ട്. സ്‌പോര്‍ട്ട്, ലോംജി ട്യൂഡ്, ലിമിറ്റഡ്, മോഡല്‍ എസ് എന്നിവയാണ് നാലു ട്രിമ്മുകള്‍. ടെക്‌നോ മെറ്റാലിക് ഗ്രീന്‍, ഗാലക്‌സി ബ്ലൂ, ബ്രൈറ്റ് വൈറ്റ് തുടങ്ങിയവയാണ് നിറങ്ങൾ. രണ്ട്​ ലിറ്റര്‍ ടര്‍ബോ ഡീസല്‍ (172 പി.എസ് കരുത്ത്) 1.4 ലിറ്റര്‍ ടര്‍ബോ പെട്രോള്‍ (163 പി.എസ് കരുത്ത്) എന്നിവയാണ് എൻജിന്‍ വകഭേദങ്ങള്‍. രണ്ട്​ ലിറ്റര്‍ ടര്‍ബോ ഡീസല്‍ എൻജിനോടെ ഫോര്‍ വീല്‍ ഡ്രൈവ് ഓപ്ഷനുമുണ്ട്. ലിമിറ്റഡ് എഡിഷന്‍ ഒട്ടേറെ പുതുമകളോടുകൂടിയതാണ്. ഫ്രണ്ട് ആന്‍ഡ് റിയര്‍ ഫേഷ്യ ബോഡി പെയിൻറഡ്, സില്‍ മോള്‍ഡിങ്​, ഫെന്‍ഡര്‍ ഫ്ലെയേഴ്‌സ്, ഗ്ലോസ്-ബ്ലാക് ഫ്രണ്ട് ഗ്രില്‍, ബ്ലാക് ഡ്യൂവല്‍ ടോണ്‍ റൂപ്, ബ്ലാക് മിറര്‍, ഓട്ടോമാറ്റിക് എല്‍.ഇ.ഡി റിഫ്ലക്ടര്‍ ഹെഡ്‌ലാംപ്‌സ് എന്നിവ പ്രത്യേകതയിൽ ഉള്‍പ്പെടുന്നു. ഉപഭോക്താക്കളില്‍നിന്നുള്ള അഭിപ്രായങ്ങളും നിർദേശങ്ങളും സ്വീകരിച്ച് അവക്ക്​ അനുസൃതമായി രൂപകൽപന ചെയ്തതാണ് പുതിയ ജീപ്പ്​ കോംപസ് എന്ന് എഫ്‌.സി.ഐ ഇന്ത്യ മാനേജിങ്​ ഡയറക്ടര്‍ ഡോ. പാർഥദത്ത പറഞ്ഞു. 50ഓളം സുരക്ഷ ഫീച്ചറുകളാണ് പുതിയ ജീപ്പ്​പ് കോംപസില്‍ ഉള്ളത്. ഓട്ടോമാറ്റിക്‌സ്​ ഹെഡ്‌ലാംപ്‌സ്, റെയിന്‍ സെന്‍സിങ്​ വൈപ്പര്‍, ഇലക്ട്രോണിക് പാര്‍ക്കിങ് ബ്രേക്ക് എന്നിവയാണ് മറ്റ് പ്രത്യേകതകള്‍. photo ekg business jeep പുതിയ ജീപ്പ്​ കോംപസ്
Show Full Article
TAGS:
Next Story