Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightതെറ്റായ വിവരങ്ങൾ:...

തെറ്റായ വിവരങ്ങൾ: ചേംബർ ഓഫ് മുനിസിപ്പൽ ചെയർമാ‍െൻറ ഡയറി തിരിച്ചയച്ചു

text_fields
bookmark_border
തെറ്റായ വിവരങ്ങൾ: ചേംബർ ഓഫ് മുനിസിപ്പൽ ചെയർമാ‍ൻെറ ഡയറി തിരിച്ചയച്ചു കാക്കനാട്: തെറ്റായ വിവരങ്ങൾ ഉൾപ്പെടുത്തി ചേംബർ ഓഫ് മുനിസിപ്പൽ ചെയർമാൻ പ്രസിദ്ധീകരിച്ച ഡയറി തൃക്കാക്കര നഗരസഭ തിരിച്ചയച്ചു. ഡയറികൾ തിരികെ വിളിക്കണമെന്നും തെറ്റുതിരുത്തി പുതിയത് പ്രസിദ്ധീകരിക്കണമെന്നും ആവശ്യപ്പെട്ടാണ് നഗരസഭയുടെ നടപടി. ദിവസങ്ങൾക്ക് മുമ്പ്​ ലഭിച്ച ഡയറിയിൽ വൈസ് ചെയർമാന് പകരം അച്ചടിച്ചിരുന്നത് മറ്റൊരു കൗൺസിലറുടെ പേരും വിവരങ്ങളുമായിരുന്നു. സംസ്ഥാനത്തെ വിവിധ നഗരസഭകളുടെ അധ്യക്ഷരുടെ കൂട്ടായ്മയാണ് ചേംബർ ഓഫ് മുനിസിപ്പൽ ചെയർമാൻ. സംസ്ഥാനതലത്തിൽ പ്രസിദ്ധീകരിച്ച് വിതരണം ചെയ്ത ഈ വർഷത്തെ ഡയറിയിൽ വൈസ് ചെയർമാൻ എന്ന നിലയിൽ എ.എ. ഇബ്രാഹിം കുട്ടിയുടെ പേരിനുപകരം മറ്റൊരു കൗൺസിലറായ രജനിയുടെ പേരായിരുന്നു നൽകിയത്. സമൂഹ മാധ്യമങ്ങളിൽ ഉൾപ്പെടെ ഇത് പ്രചരിച്ചതോടെ സംഭവം വിവാദമായി മാറിയിരുന്നു. അതിന് പിന്നാലെയാണ് നഗരസഭ ഡയറി തിരിച്ചയക്കാൻ തീരുമാനിച്ചത്. അതേസമയം, നഗരസഭയിൽനിന്ന് ലഭിച്ച വിവരങ്ങളുടെ അടിസ്ഥാനത്തിലാണ് ഡയറി തയാറാക്കിയതെന്നാണ് ചേംബർ ഓഫ് മുനിസിപ്പൽ ചെയർമാൻ അധികൃതരുടെ വാദം.
Show Full Article
TAGS:
Next Story