സ്ത്രീപീഡന കേസിലെ പ്രതി പിടിയിൽ

നെടുമ്പാശ്ശേരി: സ്ത്രീ പീഡനക്കേസിലെ പ്രതി വിദേശത്തുനിന്ന് മടങ്ങിയെത്തിയപ്പോൾ എമിഗ്രേഷൻ വിഭാഗത്തിന്‍റെ പിടിയിലായി. ദമ്മാമിൽ നിന്നെത്തിയ പെരുമ്പാവൂർ വെസ്റ്റ് വെങ്ങോല മുകളത്ത് വിശ്വനാഥനാണ്​ (55) പിടിയിലായത്. ഇയാൾ ആലപ്പുഴ ജില്ലയിലെ കുളത്തൂപ്പുഴ പൊലീസ് സ്റ്റേഷനിൽ കഴിഞ്ഞ വർഷം രജിസ്റ്റർ ചെയ്ത കേസിലെ പ്രതിയാണ്. ഇയാൾക്കെതിരെ ലുക്കൗട്ട് സർക്കുലർ പുറപ്പെടുവിച്ചിരുന്നു.