Begin typing your search above and press return to search.
exit_to_app
exit_to_app
Posted On
date_range 3 May 2021 11:58 PM GMT Updated On
date_range 3 May 2021 11:58 PM GMTകോൺഗ്രസിൽ പോര്; തോൽവി കൊടിക്കുന്നിലിന് സമർപ്പിക്കുന്നുവെന്ന് കെ.കെ. ഷാജു
text_fieldsbookmark_border
മാവേലിക്കര: നിയമസഭ തെരഞ്ഞെടുപ്പിലെ തൻെറ തോൽവി കൊടിക്കുന്നിൽ സുരേഷ് എം.പിക്ക് സമർപ്പിച്ച് കെ.കെ. ഷാജു. ഇതുസംബന്ധിച്ച ഫേസ്ബുക്ക് പോസ്റ്റ് കോൺഗ്രസിലെ ഗ്രൂപ് പോര് വെളിവാക്കി. പോസ്റ്റിന് അനുകൂലമായും പ്രതികൂലമായും കമൻറുകൾ ഉയർന്നിട്ടുണ്ട്. തെരഞ്ഞെടുപ്പിൽ കോൺഗ്രസിലെ ഒരുവിഭാഗം ഷാജുവിനെതിരെ രംഗത്ത് വന്നെന്ന ആരോപണം ഉയർന്നിരുന്നു. എം.പി അടക്കമുള്ള ഒരുവിഭാഗം കോൺഗ്രസ് നേതാക്കളിലേക്കാണ് ഷാജുവിൻെറ പോസ്റ്റ് വിരൽചൂണ്ടുന്നത്. പ്രചാരണരംഗത്ത് കൊടിക്കുന്നിൽ അടക്കമുള്ളവർ സജീവമായിരുന്നില്ലെന്നും പറയുന്നു. ''മര്യാദകേട് പറയരുത്, കെ.കെ. ഷാജു എന്ന വ്യക്തിക്ക് കഴിവില്ലേൽ അത് മറ്റുള്ളവരുടെമേലും പാർട്ടി പ്രവർത്തകരുടെമേലും ചാരരുത്, കൊറോണയെപ്പോലും അവഗണിച്ച് പ്രവർത്തിച്ചവരെപ്പറ്റി ഈ മര്യാദകേട് പറഞ്ഞതിന് മാപ്പ് പറയേണ്ടി വരും'' തുടങ്ങി കമൻറുകളും വന്നിട്ടുണ്ട്. എൽ.ഡി.എഫിൻെറ ഉറച്ച സീറ്റായ മാവേലിക്കരയിൽ ആര്.രാജേഷ് മത്സരരംഗത്ത് ഇല്ലാതിരുന്നതിനാല് വലിയ പ്രതീക്ഷയോടെയാണ് ഷാജു മത്സരത്തിനിറങ്ങിയത്. എന്നാല്, മത്സരരംഗത്ത് എല്.ഡി.എഫിനെ പ്രതിരോധിക്കാന് യു.ഡി.എഫിന് സാധിച്ചില്ല. പലയിടങ്ങളിലും താഴേത്തട്ടില് പ്രവര്ത്തനംതന്നെ നടന്നില്ലെന്ന ആരോപണം തെരഞ്ഞെടുപ്പിൻെറ പല ഘട്ടത്തിലും യു.ഡി.എഫില്നിന്ന് ഉയർന്നിരുന്നു. കെ.കെ. ഷാജുവിൻെറ എഫ്.ബി പോസ്റ്റ്
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story