കത്തോലിക്ക സഭ കുടുംബ വർഷമായി ആചരിക്കും

‍‍കൊച്ചി: കത്തോലിക്ക സഭ മാർച്ച് 19 മുതൽ 2022 ജൂൺ 26 വരെ കുടുംബ വർഷമായി ആചരിക്കുമെന്ന്​ ഫ്രാൻസിസ്​ മാർപാപ്പ പ്രഖ്യാപിച്ചെന്ന്​ കെ.സി.ബി.സി ഡെപ്യൂട്ടി സെക്രട്ടറി ജനറൽ ഫാ. ജേക്കബ് ജി. പാലയ്ക്കാപ്പിള്ളി അറിയിച്ചു. ലോകം അഭിമുഖീകരിക്കുന്ന എണ്ണമറ്റ പ്രതിസന്ധികൾക്ക്​ പരിഹാരം കുടുംബത്തിൽ കണ്ടെത്താൻ കഴിയുമെന്ന്​ മാർപാപ്പ ഓർമിപ്പിക്കുന്നു. പ്രായമായവർക്ക്​ വേണ്ടി ആഗോളസഭയിൽ ഒരു ദിവസം ആചരിക്കാനും തീരുമാനിച്ചിട്ടുണ്ട്. എല്ലാവർഷവും ജൂലൈ നാലാമത്തെ ഞായറാഴ്ചയാണ്​ പ്രത്യേക ദിനാചരണമെന്നും അദ്ദേഹം പറഞ്ഞു.