Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightഏലൂരിൽ ലഹരിക്കെതിരെ...

ഏലൂരിൽ ലഹരിക്കെതിരെ ജാഗ്രത സമിതി

text_fields
bookmark_border
കളമശ്ശേരി: ഏലൂർ നഗരസഭ പ്രദേശങ്ങളിൽ മയക്കുമരുന്ന് വ്യാപനം ഗുരുതരമായതിനെതിരെ വാർഡുകൾ തോറും ജാഗ്രത സമിതി രൂപവത്​കരിക്കാൻ തീരുമാനിച്ചു. മയക്കുമരുന്ന് മാഫിയയുടെ പ്രവർത്തനം വിപുലമാക്കുകയും നിരവധി കേസുകൾ റിപ്പോർട്ട് ചെയ്യപ്പെടുന്ന സാഹചര്യത്തിലുമാണ് നഗരസഭ തലത്തിൽ 31വാർഡുകളിലും ജാഗ്രത സമിതിയുടെ പ്രവർത്തനം ശക്തിപ്പെടുത്താൻ തീരുമാനിച്ചത്. വാർഡുകൾ കേന്ദ്രീകരിച്ച് ലഹരിമുക്തി സേന രൂപവത്​കരിക്കും, കൗൺസിലർ കൺവീനറായ പത്തംഗങ്ങൾ ഉൾപ്പെട്ടതാണ് സേന. പ്രവർത്തനം വാർഡ്​സഭകൾ അവലോകനം ചെയ്യും, ബോധവത്കരണ ക്ലാസുകൾ സംഘടിപ്പിക്കാനും മയക്കുമരുന്ന് കച്ചവടക്കാരുടെ സ്ഥലങ്ങൾ കണ്ടെത്തി നിരീക്ഷണം ശക്തമാക്കാനും തീരുമാനിച്ചു. സ്കൂളുകളിൽ ലഹരിവിരുദ്ധ ക്ലബ് രൂപവത്​കരിക്കാനും കൗൺസലിങ് ആവശ്യമുള്ളവർക്ക് ലഭ്യമാക്കാനും തീരുമാനിച്ചു. നാട്ടുകാരായ യുവാക്കൾക്കും കുട്ടികൾക്കും കളിക്കാനായി വേലികെട്ടി അടച്ചിട്ടിരിക്കുന്ന ഫാക്ട് ഗ്രൗണ്ട്​ തുറക്കാനാവശ്യമായ നടപടി സ്വീകരിക്കണമെന്ന ആവശ്യവും ഉയർന്നു. പൊലീസ്, എക്​സൈസ്​ ആരോഗ്യ, രാഷ്​ട്രീയ, സാംസ്കാരിക മേഖലയിൽ പ്രവർത്തിക്കുന്നവരും സ്കൂൾ അധികൃതരും പങ്കെടുത്തു. യോഗം നഗരസഭ ചെയർമാൻ എ.ഡി. സുജിൽ ഉദ്ഘാടനം ചെയ്തു. വൈസ് ചെയർമാൻ ലീല ബാബു അധ്യക്ഷതവഹിച്ചു. ലഹരി ഉപയോഗവും വിൽപനയും സംബന്ധിച്ച വിവരങ്ങൾ 9400069570 എന്ന നമ്പറിൽ നൽകാമെന്ന്​ ​ എക്സൈസ് വിഭാഗം അറിയിച്ചു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story