കനാൽ നാടിന് സമർപ്പിച്ചു

മൂവാറ്റുപുഴ: നദീതട ജലസേചന പദ്ധതിയുടെ കീഴിലുള്ള ആനിക്കാട് കിഴക്കേ ഉപകനാല്‍(നടുക്കര) മന്ത്രി കെ. കൃഷ്ണന്‍കുട്ടി ഓണ്‍ലൈനിലൂടെ ഉദ്ഘാടനം ചെയ്​തു. എല്‍ദോ എബ്രഹാം എം.എല്‍.എ അധ്യക്ഷത വഹിച്ചു. ഡീന്‍ കുര്യാക്കോസ് എം.പി മുഖ്യപ്രഭാഷണം നടത്തി. ജലസേചന വകുപ്പ് ചീഫ് എൻജിനീയര്‍ സുനില്‍ രാജ് റിപ്പോര്‍ട്ട് അവതരിപ്പിച്ചു. ജില്ല പഞ്ചായത്ത് പ്രസിഡൻറ്​ ഉല്ലാസ് തോമസ്, ബ്ലോക്ക് പഞ്ചായത്ത് പ്രസിഡൻറ്​ പ്രഫ.ജോസ് അഗസ്​റ്റിന്‍, ഷെല്‍മി ജോണ്‍സണ്‍, സുറുമി അജീഷ്, അഷറഫ് മൈതീന്‍, രാജന്‍ കടക്കോട് എന്നിവര്‍ പ്രസംഗിച്ചു.