പ്രശ്നങ്ങൾ പരിഹാരം കാണുന്നതിന് ഉദ്യോഗസ്ഥർ മുന്നോട്ട് വരണം -വി.കെ. ഇബ്രാഹീംകുഞ്ഞ് എം.എൽ.എ

കളമശ്ശേരി: ജനങ്ങളുടെ പ്രശ്നങ്ങൾ പരിഹാരം കാണുന്നതിന് ഉദ്യോഗസ്ഥർ അടക്കം മുന്നോട്ട് വരണമെന്ന് വി.കെ. ഇബ്രാഹീംകുഞ്ഞ് എം.എൽ.എ. വൈദ്യുതി ബോർഡ് നടപ്പാക്കുന്ന 'സേവനം വാതിൽപടി' പദ്ധതി കളമശ്ശേരി മണ്ഡലംതല ഉദ്ഘാടനം നിർവഹിക്കുകയായിരുന്നു അദ്ദേഹം. ഉപഭോക്തൃ സേവനം ഉറപ്പുവരുത്താനായി പുതിയ വൈദ്യുതി കണക്​ഷൻ, ഉടമസ്ഥാവകാശം മാറ്റൽ, താരിഫ് മാറ്റൽ, വൈദ്യുതി ലൈൻ, മീറ്റർ മാറ്റിവെക്കൽ തുടങ്ങിയ സംവിധാനങ്ങളാണ് പദ്ധതിയിലുടെ ഉപഭോക്താക്കൾ ലഭിക്കുന്നത്. 1912 എന്ന കേന്ദ്രീകൃത കസ്​റ്റമർ കെയർ ഫോൺ കാൾവഴി ബന്ധപ്പെട്ട സെക്​ഷൻ ഓഫിസിൽ രജിസ്​റ്റർ ചെയ്താൽ മതി. നഗരസഭ വൈസ് ചെയർമാൻ സെൽമ അബൂബക്കർ അധ്യക്ഷതവഹിച്ചു. വിദ്യഭ്യാസ സ്ഥിരം സമിതി ചെയർമാൻ കെ.എച്ച്. സുബൈർ, വാർഡ് കൗൺസിലർ റഫീഖ് മരക്കാർ എന്നിവർ സംസാരിച്ചു. അസി.എൻജിനീയർ വി. അനിൽകുമാർ സ്വാഗതവും കെ.ജെ. ബിനോയ് നന്ദിയും പറത്തു.