Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightമയക്കുമരുന്നുമായെത്തിയ ...

മയക്കുമരുന്നുമായെത്തിയ യുവാവ്​ കുവൈത്ത്​ ജയിലിൽ: ക്രൈംബ്രാഞ്ച്​ അന്വേഷണത്തിന്​ ഹൈകോടതി ഉത്തരവ്

text_fields
bookmark_border
കൊച്ചി: കു​ൈവത്തിൽ​ ജോലിക്ക്​ പോയ യുവാവിനെ മയക്കുമരുന്നുമായി അറസ്​റ്റ്​ ചെയ്​ത സംഭവത്തി​ന്​ പിന്നിലെ യാഥാർഥ്യം പുറത്തുകൊണ്ടുവരാൻ ക്രൈംബ്രാഞ്ച്​ അന്വേഷണത്തിന്​ ഹൈകോടതി ഉത്തരവ്​. നാട്ടിൽനിന്ന്​ മയക്കുമരുന്നടങ്ങുന്ന ലഗേജ്​ നൽകി കബളിപ്പിച്ചതിനെത്തുടർന്നാണ്​ മകൻ ജോമോൻ വിദേശത്ത്​ അറസ്​റ്റിലാവുകയും ജീവപര്യന്തം തടവിന്​ ശിക്ഷിക്കപ്പെടുകയും ചെയ്​തതെന്ന്​ കാണിച്ച്​ പിതാവ് ക്ലീറ്റസ് നൽകിയ ഹരജിയിലാണ് ജസ്​റ്റിസ്​ വി.ജി. അരുണി​ൻെറ ഉത്തരവ്​. കുവൈത്തിലെ ഒരു സൂപ്പർമാർക്കറ്റിൽ ജോലി നൽകാമെന്ന് പറഞ്ഞ്​ ആൻറണി എന്നയാളാണ് ജോമോനെ കൊണ്ടുപോയതെന്നും ഇയാൾ ഒപ്പം പോകാമെന്ന് പറഞ്ഞിരുന്നതാണെങ്കിലും അവസാനനിമിഷം പിന്മാറിയെന്നുമാണ്​ ഹരജിയിൽ പറയുന്നത്​. യാത്ര തിരിക്കുന്നതിനുമുമ്പ് ജോമോ​ൻെറ പക്കൽ ഒരുബാഗും സിം കാർഡും മൊബൈൽ ഫോണും ആൻറണി നൽകി. കുവൈത്തിൽ എത്തിയാലുടൻ മൊബൈൽ ഫോണിൽ സിം കാർഡിട്ട് വിളിച്ചാൽ സൂപ്പർ മാർക്കറ്റിലെ ഒരു ജീവനക്കാരനെത്തി കൂട്ടിക്കൊണ്ടുപോകുമെന്ന​ും പറഞ്ഞ​ു. 2018 നവംബർ അഞ്ചിന് കുവൈത്തിലെത്തിയ ജോമോൻ മൊബൈലിൽ വിളിച്ചപ്പോൾ ഒരാളെത്തി. ലഗേജ് അടുത്ത ദിവസം ലഭിക്കുമെന്നുപറഞ്ഞ് ഹോട്ടലിലേക്ക് കൊണ്ടുപോയി. അടുത്ത ദിവസം ലഗേജെടുക്കാൻ എയർപോർട്ടിലെത്തിയ ജോമോനെ ലഹരിമരുന്ന്​ കടത്താൻ ശ്രമിച്ച കേസിൽ അറസ്​റ്റുചെയ്തു. പിന്നീട് വിചാരണ നടത്തി ജീവപര്യന്തം തടവിന് ശിക്ഷിച്ചു. മകനെ ലഹരിമരുന്ന്​ കടത്താൻ ആൻറണിയുടെ നേതൃത്വത്തി​െല സംഘം ഉപയോഗിച്ചതാണെന്നും ഇവരുടെ കെണിയിൽനിന്ന്​ രക്ഷിക്കണമെന്നും ആവശ്യപ്പെട്ട് എക്സൈസിനും പൊലീസിനും പരാതി നൽകിയെങ്കിലും കാര്യമായ അന്വേഷണം ഉണ്ടായില്ലെന്ന് ക്ലീറ്റസ് പറയുന്നു. നിരപരാധിയാണെന്ന് തെളിയിക്കുന്ന രേഖകൾ ഹാജരാക്കിയാൽ ജയിലിൽനിന്ന് മോചിപ്പിക്കാൻ കഴിയുമെന്ന് ഇന്ത്യൻ എംബസി അധികൃതർ വ്യക്തമാക്കിയിട്ടുണ്ട്. ഇൗ സാഹചര്യത്തിലാണ് ക്രൈംബ്രാഞ്ച് അന്വേഷണത്തിന്​ കോടതി ഉത്തരവിട്ടത്​.
Show Full Article
TAGS:
Next Story