വിരണ്ടോടി‍യ പോത്തിനെ സാഹസികമായി പിടികൂടി

കൂത്താട്ടുകുളം: മാർക്കറ്റിൽനിന്ന്​ രാവിലെ വിരണ്ടോടിയ പോത്തിനെ കൂത്താട്ടുകുളം അഗ്​നിരക്ഷാസേന അതിസാഹസികമായി പിടികൂടി. കിഴകൊമ്പ്‌ ഇടത്തനാൽ കുഞ്ഞുമോ​ൻെറ പോത്താണ്‌ ബുധനാഴ്ച രാവിലെ വിരണ്ടോടിയത്. രാവിലെ 10ന്​ കൂത്താട്ടുകുളം മാരുതി ജങ്​ഷനിൽ മൈത്രി നഗർ അർജുൻ നിവാസിൽ ഡോ. കുസുമത്തി​ൻെറ പുരയിടത്തിൽ പോത്ത് ഓടിക്കയറുകയായിരുന്നു. സ്​റ്റേഷൻ ഓഫിസർ സജിമോൻ ടി. ജോസഫി​ൻെറ നേതൃത്വത്തിൽ അനിൽകുമാർ, ബിജുമോൻ, അഭിഷേക്, ജോബിൻ, സാബു, മനോജ്, അശോകൻ, അബ്രഹാം, സുരേഷ് എന്നിവരടങ്ങിയ സംഘമാണ് പോത്തിനെ പിടികൂടിയത്. em kkm POTH 1, 2 പുരയിടത്തിൽ ഓടിക്കയറിയ പോത്തിനെ അഗ്​നിരക്ഷാസേന അംഗങ്ങൾ പിടികൂടിയപ്പോൾ