ദേശീയ ട്രയാത്തലൺ റെക്കോഡിട്ട് ബിനീഷും ചന്തുവും​

ആലപ്പുഴ: ഇന്ത്യയിൽ ആദ്യമായി സംഘടിപ്പിക്കുന്ന ഫുൾ ഡിസ്​റ്റൻസ്​ ട്രയാത്തലൺ വിജയകരമായി പൂർത്തിയാക്കി ആലപ്പുഴ സ്വദേശികൾ. ബിനീഷ്​ തോമസും ചന്തു സന്തോഷുമാണ്​ 3.9 കിലോമീറ്റർ നീന്തൽ, 180.2 കി. മീറ്റർ സൈക്കിളിങ്​, 42.21 കി. മീറ്റർ ഒ​ാട്ടം എന്നിവയാണ്​ പൂർത്തിയാക്കിയത്​. ശനിയാഴ്​ച രാവിലെ 5.45ന്​ മ​െങ്കാമ്പിൽ ആരംഭിച്ച ട്രയാത്തലൺ​ രാത്രി ബീച്ചിൽ പൂർത്തീകരിച്ച​ു. ബീച്ചിൽ നടന്ന ചടങ്ങിൽ ഇവരെ ആദരിച്ചു. ബോബി ചെമ്മണൂർ ചടങ്ങ്​ ഉദ്​ഘാടനം ചെയ്​തു. ജില്ല ഒളിമ്പിക അസോ. ചെയർമാൻ വി.ജി. വിഷ്​ണു അധ്യക്ഷത വഹിച്ചു. ജില്ല ഒളിമ്പിക അസോസിയേഷ​ൻെറയും ബീച്ച്​ ക്ലബി​ൻെറയും ആഭിമുഖ്യത്തിലാണ്​ ട്രയാത്തലൺ നടന്നത്​. 2018​ ലെ പ്രളയത്തിൽ രക്ഷപ്രവർത്തകരായി എത്തിയ ​ഇന്ത്യൻ നേവിക്ക്​ വഴികാട്ടുകയും 350 പേരെ രക്ഷിക്കുകയും ചെയ്​തതിന്​ നേവിയുടെ ബ്രേവറി കാർഡ്​ നേടിയ ബിനീഷ്​ തോമസിന്​ ഇൗ വിജയം ഇരട്ടി മധുരമാണ്​. 2010 ആരോഗ്യം മെച്ചപ്പെടുത്താൻ എസ്​.ബി കോളജ്​ ഗ്രൗണ്ടിൽ ഒാടി തുടങ്ങിയ ബിനീഷ്​ ഇന്ന്​ ഇന്ത്യൻ റെക്കോഡിൽ എത്തിനിൽക്കുന്നു. വിവിധ ജില്ലകളിലായി 15 മാരത്തണിൽ പ​െങ്കടുത്തിട്ടുണ്ട്​. പിന്നീട്​ വ്യത്യസ്​തമായി എന്തെങ്കിലും ചെയ്യണമെന്ന തോന്നലാണ് 34 കാരനെ ട്രയാത്തലണിൽ എത്തിച്ചത്​. അച്ഛൻ കാവാലം കിഴക്കേ ചേന്നങ്കരി വാണിപുരയ്​ക്കൽ വീട്ടിൽ വി.ടി. തോമസും അമ്മ ത്രേസ്യാമ്മയും ബീനീഷിന്​ പ്രോത്സാഹനമായി കൂടെയുണ്ട്​.​ കോ​ളജ്​ കാലത്ത്​ കായിക താരമായിരുന്ന ചന്തു തടി കുറയ്​ക്കാൻ ബിനീഷിനൊപ്പം വീണ്ടും ഒാടിത്തുടങ്ങുകയായിരുന്നു. പിന്നീട് ഒാട്ടത്തിൽ പരിശീലനം തുടർന്ന്​ മാരത്തണുകളിൽ അടക്കം പ​െങ്കടു​ത്തു. ഒരുമാസത്തോളം ചന്തുവി​ൻെറ വീട്ടിൽനിന്നും പരിശീലനം നടത്തിയാണ്​ ചന്തുവും ബിനീഷും മത്സരത്തിന്​ സജ്ജമായത്​. സൈക്കിളിങ്​ കഠിനമായിരുന്നെന്നും കുട്ടനാട്​ കാരായ തങ്ങൾക്ക്​ നീന്തൽ എളുപ്പമായിരുന്നെന്നും ചന്തു പറയുന്നു. വാട്ടർട്രീറ്റ്​മൻെറ്​ കമ്പനി നടത്തുകയാണ്​ ചന്തു. ഭാര്യ അഞ്ചുവും മക്കളായ ധാർമിക്കും ദക്ഷയും പ്രോത്സാഹനമായി ചന്തുവിന്​ ഒപ്പമുണ്ട്​. ap triathlon photo caption. ബിനീഷ്​ തോമസും ചന്തു സന്തോഷും