Begin typing your search above and press return to search.
exit_to_app
exit_to_app
Posted On
date_range 29 Jan 2021 12:04 AM GMT Updated On
date_range 29 Jan 2021 12:04 AM GMTതാൻ കോൺഗ്രസ് പ്രവർത്തകൻ; പാർട്ടി പറഞ്ഞാൽ മത്സരിക്കും -ധർമജൻ ബോൾഗാട്ടി
text_fieldsbookmark_border
പാർട്ടി പറഞ്ഞാൽ മത്സരിക്കും -ധർമജൻ ബോൾഗാട്ടി കൊച്ചി: നിയമസഭ തെരഞ്ഞെടുപ്പിൽ മത്സരിക്കുന്നതുസംബന്ധിച്ച പ്രതികരണവുമായി നടൻ ധർമജൻ ബോൾഗാട്ടി രംഗത്ത്. താൻ കോൺഗ്രസ് പ്രവർത്തകനാണെന്നും പാർട്ടി പറഞ്ഞാൽ മത്സരിക്കുമെന്നും നടൻ മാധ്യമങ്ങളോട് പറഞ്ഞു. പല മണ്ഡലത്തിലും തൻെറ പേര് പറഞ്ഞുകേൾക്കുന്നുണ്ടെന്നും എന്നാൽ ഇതുസംബന്ധിച്ച് നേതാക്കളുമായി സംസാരിച്ചിട്ടില്ലെന്നും ധർമജൻ വ്യക്തമാക്കി. ബാലുശ്ശേരി മണ്ഡലത്തിൽ പേര് ഉയർന്നുവന്നതിെനപറ്റിയുള്ള ചോദ്യത്തിന് താൻ ഇഷ്ടപ്പെടുന്ന നേതാക്കൾ പറഞ്ഞാലും ജയസാധ്യത ഉണ്ടെങ്കിലും ഇല്ലെങ്കിലും ഏതുമണ്ഡലത്തിലായാലും മത്സരിക്കുമെന്നും ധർമജൻ പറഞ്ഞു. സ്കൂൾകാലം തൊട്ടേ കെ.എസ്.യുവിൽ പ്രവർത്തിക്കുന്ന ആളാണ്. പാർട്ടിക്കുേവണ്ടി കുടിവെള്ളസമരം നടത്തി ജയിലിൽ കിടന്നിട്ടുണ്ട്. രാഷ്ട്രീയം ഉപജീവനമല്ല, ജനങ്ങൾക്കുവേണ്ടി നല്ലത് ചെയ്യണമെന്നതാണ് ആഗ്രഹം. സിനിമയുടെ തിരക്കുകളിൽ സജീവരാഷ്ട്രീയത്തിൽനിന്ന് ഇറങ്ങിയിട്ട് കുെറ കാലമായി. അതുകൊണ്ടുതന്നെ സംഘടനകാര്യങ്ങളെക്കുറിച്ച് കൃത്യമായി അറിയില്ല. അച്ഛനും സഹോദരനുമെല്ലാം പാർട്ടിപ്രവർത്തകരായിരുന്നു. കുെറകൂടി വലിയ തട്ടകത്തിൽ നിന്ന് പ്രവർത്തിക്കാൻ ആഗ്രഹമുണ്ടെന്നും നടൻ കൂട്ടിച്ചേർത്തു. ഏതെങ്കിലും മണ്ഡലം വേണമെന്ന കാര്യം താനായിട്ട് ചോദിക്കില്ല. അങ്ങോട്ട് ചോദിക്കലും വിലപേശലും ഒന്നുമുണ്ടാവില്ലെന്നും താരം അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story