ശാലിനിക്കും മക്കൾക്കും സുരക്ഷിത ഭവനമൊരുക്കി അമ്മക്കിളിക്കൂട്

ശ്രീമൂലനഗരം: അൻവർ സാദത്ത് എം.എൽ.എയുടെ അമ്മക്കിളിക്കൂട് പദ്ധതിയിൽ ശ്രീമൂലനഗരം പഞ്ചായത്ത് ഏഴാംവാർഡ് മനക്കക്കുടിയിൽ ശാലിനിക്കും രണ്ടുമക്കൾക്കുമായി നിർമിച്ച വീടി​ൻെറ താക്കോൽദാനം വി.എം. സിറാജ് കണിയാക്കുടി നിർവഹിച്ചു. പദ്ധതിയിലെ 38ാമത് വീടി​ൻെറ താക്കോൽ ദാനമാണ് നടത്തിയത്. അൻവർ സാദത്ത് എം.എൽ.എ അധ്യക്ഷത വഹിച്ചു. പഞ്ചായത്ത് പ്രസിഡൻറ് കെ.സി. മാർട്ടിൻ, ജില്ല പഞ്ചായത്ത് സ്ഥിരം സമിതി ചെയർമാൻ എം.ജെ. ജോമി, പഞ്ചായത്ത് വൈസ്​ പ്രസിഡൻറുമാരായ സിന്ധു പാറപ്പുറം, ക്യഷ്ണകുമാർ, ബ്ലോക്ക് പഞ്ചായത്ത്​ അംഗം സിനി ജോണി, ആരോഗ്യ സ്ഥിരം സമിതി ചെയർമാൻ കെ.പി. അനൂപ്, കാഞ്ഞൂർ പഞ്ചായത്ത്​ മെംബർ ചന്ദ്രമതി രാജൻ, അഡ്വ. ഉണ്ണികൃഷ്ണൻ, വി.വി. സെബാസ്​റ്റ്യൻ, ഷാനവാസ്​, എൻ.സി. ഉഷാകുമാരി തുടങ്ങിയവർ പങ്കെടുത്തു. പദ്ധതിയിൽ പൂർത്തിയായ 37 ഭവനങ്ങൾ കൈമാറി. മറ്റു ഏഴ് ഭവനങ്ങളുടെ നിർമാണം ശ്രീമൂലനഗരം, നെടുമ്പാശ്ശേരി, ചെങ്ങമനാട്, ചൂർണിക്കര, കീഴ്മാട്, എടത്തല, കാഞ്ഞൂർ പഞ്ചായത്തുകളിൽ പുരോഗമിക്കുന്നതായി എം.എൽ.എ അറിയിച്ചു. 6.12 ലക്ഷം രൂപയുടെ എസ്​റ്റിമേറ്റിൽ 510 ചതുരശ്ര അടിയിലാണ് ഭവനങ്ങൾ നിർമിക്കുന്നത്. ea kldy ammakilikoodu thakoldanam photo അൻവർ സാദത്ത് എം.എൽ.എയുടെ അമ്മക്കിളിക്കൂട് പദ്ധതിയിൽ ശ്രീമൂലനഗരം പഞ്ചായത്ത് ഏഴാം വാർഡിൽ നിർമിച്ച വീടി​ൻെറ താക്കോൽദാനം വി.എം. സിറാജ് കണിയാക്കുടി നിർവഹിക്കുന്നു