ഉന്നത ബഹുമതിയുടെ നിറവിൽ ഡിവൈ.എസ്​.പി വി. ദേവ്​രാജ്​

കൊച്ചി: 27 വർഷം നീണ്ട പൊലീസ്​ സർവിസിലെ ഉന്നത ബഹുമതിയുടെ നിറവിൽ സി.ബി.ഐ കൊച്ചി യൂനിറ്റിലെ ഡിവൈ.എസ്​.പി വി. ദേവ്​രാജ്​. ഒ​ട്ടേറെ കേസുകളിൽ നടത്തിയ ശ്രദ്ധേയ അന്വേഷണമാണ്​ പാലക്കാട്​ ഷൊർണൂർ സ്വദേശിയായ ദേവ്​രാജിനെ രാഷ്​ട്രപതിയുടെ പൊലീസ്​ മെഡലിന്​ അർഹനാക്കിയത്​. ഡൽഹി ഇൻറർപോൾ, സൈബർ കുറ്റകൃത്യം, സാമ്പത്തിക കുറ്റകൃത്യം അന്വേഷിക്കുന്ന ഡൽഹി സെൽ എന്നിവിടങ്ങളിലെ ശ്രദ്ധേയ സേവനത്തിന്​ ശേഷമാണ്​ രാജ്യത്തെ ഒന്നാംകിട അന്വേഷണ ഏജൻസിയുടെ കൊച്ചി അഴിമതി വിരുദ്ധ യൂനിറ്റിൽ ഇൻസ്​പെക്​ടറായി ദേവ്​രാജ്​ എത്തിയത്​. പിന്നീട്​ ഡിവൈ.എസ്​.പിയായി സ്​ഥാനക്കയറ്റം ലഭിച്ച ഇദ്ദേഹം ഇപ്പോൾ നിരവധി കേസുകളിൽ മേൽനോട്ടം വഹിക്കുന്നുണ്ട്​. വ്യാജ മുദ്രപത്ര നിർമാണവുമായി ബന്ധപ്പെട്ട അബ്​ദുൽ കരീം തെൽഗി കേസ്​, സാൻറിയാഗോ മാർട്ടിൻ ഉൾപ്പെട്ട സിക്കിം ഭൂട്ടാൻ ലോട്ടറി കേസ്​, ഐ.ഐ.എം കോഴിക്കോടുമായി ബന്ധപ്പെട്ട പ്രവേശന പരീക്ഷയുടെ മാർക്കിൽ ക്രമക്കേട്​ നടത്തിയെന്ന കേസ്​, സെൻട്രൽ ഗ്രൂപ്​ ഹൗസിങ്​ സൊസൈറ്റി അഴിമതി കേസ്​ തുടങ്ങിയവയാണ്​ അദ്ദേഹം അന്വേഷിച്ച ശ്രദ്ധേയ കേസുകൾ. നിരവധി സൈബർ കുറ്റകൃത്യങ്ങളിലെ പ്രതികളെ പിടികൂടുന്നതിലും തട്ടിപ്പ്​ പുറത്തുകൊണ്ടുവരുന്നതിലും നിർണായക പങ്കാളിത്തമാണ്​ ഇദ്ദേഹം നിർവഹിച്ചത്​. കൂടാതെ, 2008 ൽ റഷ്യയിലെ സൻെറ്​ പീറ്റേഴ്​സ്​ബർഗിൽ നടന്ന ഇൻറർപോൾ ജനറൽ അസംബ്ലി, ഫ്രാൻസിലെ ലിയോണിൽ ഇൻറർപോൾ ആസ്​ഥാനത്ത്​ നടന്ന യോഗം എന്നിവയിൽ സി.ബി.ഐയെ പ്രതിനിധാനംചെയ്​ത്​​ പ​ങ്കെടുത്തിരുന്നു. രാജ്യത്തെ ഏറ്റവും മികച്ച അന്വേഷണ ഉദ്യോഗസ്​ഥനുള്ള സി.ബി.ഐയുടെ സ്വർണ മെഡലും ആഭ്യന്തര മന്ത്രാലയത്തി​ൻെറ ഉൽ​കൃഷ്​ഠ സേവാ മെഡലും നേടിയിട്ടുണ്ട്​. തേവര എസ്​.എച്ച്​ കോളജിൽനിന്ന്​ ബിരുദത്തിന്​ ശേഷമാണ്​ പൊലീസ്​ സർവിസിൽ പ്രവേശിച്ചത്​. സ്​​മിത ദേവ്​രാജാണ്​ ഭാര്യ. തൃപ്പൂണിത്തുറ ചോയ്​സ്​ സ്​കൂളിലെ 10 ാം ക്ലാസ്​ വിദ്യാർഥി അരുൺ ദേവ്​രാജ്​ മകനാണ്​. ekg chn SEVANAM വിശിഷ്​ട സേവനത്തിന്​ രാഷ്​ട്രപതിയുടെ മെഡൽ നേടിയ സി.ബി.ഐ ഡിവൈ.എസ്​.പി ദേവരാജ്​