പ്രതിമാസ കലാ അവതരണങ്ങൾക്ക് തുടക്കംകുറിച്ച് കെ.സി.ബി.സി

കൊച്ചി: കോവിഡിനുശേഷം കൊച്ചി നഗരത്തിൽ അരങ്ങേറിയ നാടകം കാണാൻ നിരവധി ആസ്വാദകരെത്തി. പാലാരിവട്ടം പി.ഒ.സിയിൽ കൊച്ചിൻ ചന്ദ്രകാന്തയുടെ അന്നം എന്ന നാടകമാണ് അവതരിപ്പിച്ചത്. ഈ നാടകാവതരണത്തോടെ കേരള കത്തോലിക്ക മെത്രാൻ സമിതിയുടെ മീഡിയ കമീഷൻ ലക്ഷ്യമിടുന്ന കലാകാരന്മാർക്ക് ഒരു കൈത്താങ്ങ് എന്ന പദ്ധതിക്ക് തുടക്കമായി. കെ.സി.ബി.സി പ്രസിഡൻറ്​ കർദിനാൾ മാർ ജോർജ് ആലഞ്ചേരി ഉദ്​ഘാടനം ചെയ്​തു. കലയെയും കലാകാരന്മാരെയും പ്രോത്സാഹിപ്പിക്കുന്നതോടൊപ്പം സമൂഹമനസ്സുകളിൽ ആഹ്ലാദം നിറക്കാൻ ഇത്തരം സംരംഭങ്ങൾക്കു കഴിയുമെന്നും അദ്ദേഹം പറഞ്ഞു. കെ.പി.എ.സി ബിയാട്രീസായിരുന്നു മുഖ്യാതിഥി. കെ.സി.ബി.സി ഡെപ്യൂട്ടി സെക്രട്ടറി ജനറൽ ഫാ. ജേക്കബ്​ ജി. പാലയ്ക്കാപ്പിള്ളി അധ്യക്ഷത വഹിച്ചു. മീഡിയ കമീഷൻ സെക്രട്ടറി ഫാ. എബ്രഹാം ഇരിമ്പിനിക്കൽ, ഫാ. സ്​റ്റീഫൻ തോമസ് ചാലക്കര, ഫാ. ഷാജി സ്​റ്റീഫൻ എന്നിവർ സംസാരിച്ചു.