കോവിഡ് വാക്‌സിന്‍: ഒരുക്കം വിലയിരുത്തി

കൊച്ചി: ജില്ലയിലെ കോവിഡ് വാക്‌സിന്‍ വിതരണ കേന്ദ്രമായ ആസ്​റ്റര്‍ മെഡ്‌സിറ്റിയില്‍ ആരോഗ്യവകുപ്പ് ഒരുക്കം വിലയിരുത്തി. കലക്ടര്‍ എസ്. സുഹാസിൻെറ നേതൃത്വത്തിൽ ഉദ്യോഗസ്ഥര്‍ ആശുപത്രിയിലെത്തി സി.ഒ.ഒ അമ്പിളി വിജയരാഘവന്‍, ചീഫ് ഓഫ് മെഡിക്കല്‍ സര്‍വിസസ് ഡോ. ടി.ആര്‍. ജോണ്‍ എന്നിവരുമായി ചര്‍ച്ച നടത്തി. ആരോഗ്യപ്രവര്‍ത്തകര്‍, അംഗന്‍വാടി ജീവനക്കാര്‍, ആശാ വര്‍ക്കര്‍മാര്‍ എന്നിവര്‍ക്കാണ് ആദ്യഘട്ടത്തില്‍ വാക്‌സിന്‍ നല്‍കുക. 75ല്‍ കൂടുതല്‍ ആരോഗ്യപ്രവര്‍ത്തകര്‍ രജിസ്​റ്റര്‍ ചെയ്ത സ്വകാര്യ ആശുപത്രികളെയാണ് വാക്‌സിന്‍ വിതരണത്തിന് തെരഞ്ഞെടുത്തത്.