ഡോ. നജ്മക്ക് ഐക്യദാർഢ്യം

കോതമംഗലം: കളമശ്ശേരി മെഡിക്കൽ കോളജിലെ ഡോ. നജ്മ സലീമിനുനേരെ സൈബർ ആക്രമണം നടക്കുന്ന പശ്ചാത്തലത്തിൽ യൂത്ത് കോൺഗ്രസ് കോതമംഗലം മണ്ഡലം കമ്മിറ്റി ഐക്യദാർഢ്യം പ്രഖ്യാപിച്ചു. ഗാന്ധി സ്​ക്വയറിൽ നടന്ന ഐക്യദാർഢ്യ സദസ്സ്​ കെ.പി.സി.സി നിർവാഹക സമിതി അംഗം കെ.പി. ബാബു ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡൻറ് എബി കുര്യാക്കോസ് അധ്യക്ഷത വഹിച്ചു. ജെയിൻ ജോസ്, റഫീഖ് വെണ്ടുവഴി, ജോർജ് ജോസ് എന്നിവർ സംസാരിച്ചു.