Begin typing your search above and press return to search.
exit_to_app
exit_to_app
Posted On
date_range 8 Oct 2020 11:58 PM GMT Updated On
date_range 8 Oct 2020 11:58 PM GMTapl 11വൈദ്യുതി മുടങ്ങും
text_fieldsbookmark_border
ചേർത്തല: ഈസ്റ്റ് ഇലക്ട്രിക്കൽ സെക്ഷൻെറ പരിധിയിൽ പള്ളിപ്പുറം, ചാത്തമംഗലം, വാഴത്തറ, കേളമംഗലം, കരോണ്ട് കടവ്, പാമ്പിൻതറ, പള്ളാത്തറ, പത്മപുരം, ഇൻഫോപാർക്ക്, എൻ.എസ്.എസ് കോളജ്, പുതുപ്പള്ളി കാവ് പ്രദേശങ്ങളിൽ വെള്ളിയാഴ്ച രാവിലെ ഒമ്പതുമുതൽ വൈകീട്ട് 5.30വരെ വൈദ്യുതി മുടങ്ങും. ഹാഥറസ് കൊലപാതകം: വള്ളികുന്നം പ്രസാദ് ഉപവസിക്കും ചാരുംമൂട്: ഹാഥറസിൽ ദലിത് പെൺകുട്ടിയെ പീഡിപ്പിച്ച് കൊലപ്പെടുത്തിയതിൽ പ്രതിഷേധിച്ചും ഇന്ത്യയിൽ വർധിച്ചുവരുന്ന ദലിത് പീഡനങ്ങൾ അവസാനിപ്പിക്കണമെന്ന് ആവശ്യപ്പെട്ടും എസ്.സി-എസ്.ടി അഡ്വക്കറ്റ്സ് അസോസിയേഷൻ സംസ്ഥാന പ്രസിഡൻറ് വള്ളികുന്നം പ്രസാദ് ഉപവസിക്കും. 10ന് രാവിലെ 10മുതൽ വൈകീട്ട് അഞ്ചുവരെ ചാരുംമൂട് അംബേദ്കർ പാർക്കിലാണ് ഉപവാസം. മാത്യു വേളങ്ങാടൻ ഉദ്ഘാടനം ചെയ്യും. ചാരുംമൂട് മേഖലയിൽ 34 പേർക്കുകൂടി കോവിഡ് ചാരുംമൂട്: മേഖലയിൽ താമരക്കുളം, പാലമേൽ, ചുനക്കര, നൂറനാട് പഞ്ചായത്തുകളിൽ കഴിഞ്ഞ രണ്ടുദിവസമായി 34 പേർക്കുകൂടി കോവിഡ് സ്ഥിരീകരിച്ചു. ശക്തമായ പ്രതിരോധപ്രവർത്തനങ്ങൾ തുടരുന്നതിനിെടയാണ് രോഗം ബാധിക്കുന്നവരുടെ എണ്ണം വർധിക്കുന്നത്. താമരക്കുളം പഞ്ചായത്തിൽ തിങ്കളാഴ്ച 95 പേർക്ക് നടത്തിയ ആർ.ടി.പി.സി.ആർ ടെസ്റ്റിൽ 13 പേർക്ക് രോഗം സ്ഥിരീകരിച്ചു. രോഗബാധിതരുടെ പ്രാഥമിക സമ്പർക്കപ്പട്ടികയിലുള്ളവർക്കായിരുന്നു പരിശോധന. നൂറനാട് പഞ്ചായത്തിൽ 164 പേർക്ക് നടത്തിയ ആൻറിജൻ ടെസ്റ്റിൽ പഞ്ചായത്ത് സി.എഫ്.എൽ.ടി.സിയിലെ ഒരു ജീവനക്കാരനടക്കം അഞ്ചുപേർക്ക് രോഗം സ്ഥിരീകരിച്ചു. സമ്പർക്കത്തിലൂടെ മറ്റൊരാൾക്കും രോഗം ബാധിച്ചിട്ടുണ്ട്. ചുനക്കര പഞ്ചായത്തിൽ വ്യാഴാഴ്ച 129 പേർക്ക് ആൻറിജൻ ടെസ്റ്റ് നടത്തി. ഇവിടെയും രോഗബാധിതരുടെ പ്രാഥമിക സമ്പർക്കപ്പട്ടികയിലുള്ളവരുടെയും പരിശോധനയാണ് നടന്നത്. ഇതിൽ എട്ടുപേർക്കാണ് രോഗം സ്ഥിരീകരിച്ചത്. പാലമേൽ പഞ്ചായത്തിൽ പൊലീസ് ഉദ്യോഗസ്ഥനടക്കം ആറ് പേർക്കുകൂടിയും രോഗം ബാധിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story