Begin typing your search above and press return to search.
exit_to_app
exit_to_app
Posted On
date_range 2 Jan 2021 11:59 PM GMT Updated On
date_range 2 Jan 2021 11:59 PM GMTവഴിയോര മത്സ്യക്കടക്ക് തീയിട്ടു
text_fieldsbookmark_border
മാന്നാർ: വള്ളക്കാലി-വീയപുരം റോഡിൽ കുരട്ടിശ്ശേരി പാവുക്കര കടപ്രമഠം ജങ്ഷനിൽ പ്രവർത്തിച്ചിരുന്ന വഴിയോര മത്സ്യക്കട പുതുവത്സരപ്പുലർച്ച സാമൂഹികവിരുദ്ധർ അഗ്നിക്കിരയാക്കി. പാവുക്കര സുനി ഭവനത്തിൽ ജെയിംസിൻെറ വഴിയോര മത്സ്യ വിപണന കേന്ദ്രമാണ് തീവെച്ച് നശിപ്പിച്ചത്. മീൻ എടുക്കുന്നതിന് പോകാൻ വന്ന വാഹനത്തിൻെറ ഡ്രൈവറാണ് തീ കത്തുന്നത് കണ്ടത്. ഉടൻതന്നെ അടുത്ത വീട്ടിൽനിന്ന് ആളുകളെ വിളിച്ചുണർത്തി തീകെടുത്തുകയായിരുന്നു. പത്ത് വർഷമായി ഇവിടെ മീൻ കച്ചവടം നടത്തി വരുന്നു. ഐസിട്ട് സൂക്ഷിച്ചിരുന്ന ബോക്സും അതിനുള്ളിൽ ഉണ്ടായിരുന്ന മീനും കത്തിനശിച്ചു. വിൽപനക്കായി ജീവനോടെ അലൂമിനിയം പാത്രത്തിൽ സൂക്ഷിച്ചിരുന്ന പുഴമത്സ്യങ്ങളും നഷ്ടപ്പെട്ടു. 30,000ഓളം രൂപയുടെ നഷ്ടമുണ്ടായി. മുമ്പ് ഇവിടെനിന്ന് മീൻ മോഷണം പോകുന്നതും പതിവായിരുന്നെന്ന് ഉടമ പറഞ്ഞു. മാന്നാർ പൊലീസ് കേസ് എടുത്തു. ചിത്രം: AP53, 54 Malsyakkada സാമൂഹിക വിരുദ്ധർ തീയിട്ട് നശിപ്പിച്ച വഴിയോര മത്സ്യക്കട
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story