മാന്നാറിൽ ഗതാഗത നിയന്ത്രണം

കായംകുളം: കായംകുളം-തിരുവല്ല സംസ്ഥാന പാതയിൽ മാന്നാർ കുട്ടമ്പേരൂർ കോയിക്കൽ ജങ്​ഷന്​ വടക്ക്​ റോഡ് നിർമാണം നടക്കുന്നതിനാൽ തിങ്കളാഴ്ച രാവിലെ മുതൽ ഗതാഗത നിയന്ത്രണം ഏർപ്പെടുത്തിയതായി അധികൃതർ അറിയിച്ചു. മാവേലിക്കരയിൽനിന്ന്​ മാന്നാറിലേക്ക് പോകേണ്ട വാഹനങ്ങൾ കോയിക്കൽ മുക്കിൽനിന്ന്​ കിഴക്കോട്ട് തിരിഞ്ഞ് സ്​റ്റോർ ജങ്​ഷനിലെത്തിയും മാന്നാർ ഭാഗത്തുനിന്ന്​ വരുന്ന വാഹനങ്ങൾ ആലുംമൂട് ജങ്​ഷനിൽനിന്ന്​ തിരിഞ്ഞ്​ ഇരമത്തൂർ വഴി ചെന്നിത്തല ഒരിപ്രം പുത്തുവിളപ്പടി വഴി പോകണം.