ജീവനക്കാരന് കോവിഡ്; സഹകരണ ബാങ്ക് അടച്ചു

ചെങ്ങന്നൂർ: കിഴക്കേനട സർവിസ് സഹകരണ ബാങ്ക്​ ജീവനക്കാരന് കോവിഡ് സ്ഥിരീകരിച്ചു. ജീവനക്കാരെല്ലാവരും ക്വാറൻറീനിലായതിനാൽ ബാങ്കി​​ൻെറ പ്രവർത്തനം ഒരാഴ്ചത്തേക്ക് ഉണ്ടാകില്ലെന്ന് പ്രസിഡൻറ്​ ജി. പ്രേംലാൽ അറിയിച്ചു. എസ്.ഡി.പി.ഐ പഞ്ചായത്ത്‌ ഓഫിസ്​ ഉപരോധിച്ചു അമ്പലപ്പുഴ: കൊറോണ ഭീതി പരത്തി ജനങ്ങളെ അരാജകത്വത്തിലേക്കും പട്ടിണിയിലേക്കും തള്ളിവിടുന്നെന്ന് ആരോപിച്ച്​ എസ്.ഡി.പി.ഐ പുന്നപ്ര പഞ്ചായത്ത് കമ്മിറ്റി നേതൃത്വത്തിൽ പുന്നപ്ര തെക്ക് പഞ്ചായത്ത്‌ ഓഫിസ് ഉപരോധിച്ചു. ജനങ്ങൾക്ക് ബുദ്ധിമുട്ട് ഉണ്ടാക്കാത്ത രീതിയിൽ നടപടി കൈക്കൊള്ളണമെന്ന് പാർട്ടി പഞ്ചായത്ത്‌ കമ്മിറ്റി പ്രസിഡൻറ് സലാം ആവശ്യപ്പെട്ടു. സീനത്ത്​ സുൽഫി, സലാം, സുൽഫിക്കർ, ഷാജഹാൻ, റഷീദ് തുടങ്ങിയ പ്രവർത്തകരെ പുന്നപ്ര പൊലീസ് അറസ്​റ്റ്​ ചെയ്ത്​ വിട്ടയച്ചു. അച്ചടക്ക നടപടി പിൻവലിച്ചു കായംകുളം: മുസ്​ലിം ലീഗ് ജില്ല വൈസ് പ്രസിഡൻറും നഗരസഭ വൈസ് ചെയർമാനുമായിരുന്ന ഒ.എ. ജബ്ബാറിനെതിരെ നേതൃത്വം സ്വീകരിച്ച അച്ചടക്ക നടപടി പിൻവലിച്ചു. നഗരസഭ തെരഞ്ഞെടുപ്പുമായി ബന്ധപ്പെട്ട തർക്കങ്ങളായിരുന്നു നടപടിക്ക് കാരണമായത്. സംഘടന പ്രവർത്തന രംഗത്ത് വീണ്ടും സജീവമാകുമെന്ന് ജബ്ബാർ അറിയിച്ചു.