സുജിത്ത് ബാബു വീരമൃത്യു വാർഷികദിനം ആചരിച്ചു

ചാരുംമൂട്: കശ്മീരിലെ പൂഞ്ചിൽ വീരമൃത്യു വരിച്ച ധീരജവാൻ നൂറനാട് ഉളവുക്കാട് വിജയഭവനം സുജിത്ത് ബാബു ശൗര്യചക്രയുടെ 12ാമത് വീരമൃത്യു വാർഷികദിനം ആചരിച്ചു. ഉളുവക്കാട്ടെ കുടുംബവീടിനോട് ചേർന്നുള്ള സ്മൃതി മണ്ഡപത്തിൽ നൂറനാട് ഐ.ടി.ബി.പി ബറ്റാലിയൻ സെക്കൻഡ്​ ഇൻ കമാൻഡൻറ്​ രമേശ് ഭാട്ട്യ ദേശീയ പതാക ഉയർത്തി. രാജീവ് വേണാട് അധ്യക്ഷത വഹിച്ചു. സൈനിക കൂട്ടായ്മ ജില്ല ട്രഷറർ എം. അനൂപ്, സി.ബി.എം സ്കൂൾ എൻ.സി.സി ഓഫിസർ ടി.ജെ. കൃഷ്ണകുമാർ എന്നിവർ സംസാരിച്ചു. മാനേജിങ്​ ട്രസ്​റ്റി ബി. അനിൽകുമാർ ഭക്ഷ്യധാന്യ കിറ്റുകൾ വിതരണം ചെയ്തു. സുജിത്ത് ബാബുവി​ൻെറ മാതാപിതാക്കളായ വിജയകുമാർ, രാധാമണി എന്നിവരെ ആദരിച്ചു. apl DHEERA JAWAN ധീരജവാൻ നൂറനാട് ഉളവുക്കാട് സുജിത്ത് ബാബു ശൗര്യചക്രയുടെ 12ാമത് വീരമൃത്യു ദിനാചരണത്തി​ൻെറ ഭാഗമായി നൂറനാട് ഐ.ടി.ബി.പി ബറ്റാലിയൻ സെക്കൻഡ്​​ ഇൻ കമാൻഡൻറ്​ രമേശ് ഭാട്ട്യ ദേശീയപതാക ഉയർത്തുന്നു