അസി. എൻജിനീയറെ സസ്​പെൻഡ്​ ചെയ്​തു

ചേര്‍ത്തല: പൊതുമരാമത്ത് ചേര്‍ത്തല കെട്ടിട ഉപവിഭാഗം അസി. എൻജിനീയര്‍ ഡി. മുരളീധരനെ പൊതുമരാമത്ത്​ വകുപ്പ്​ മന്ത്രി ജി. സുധാകര​ൻെറ നിർദേശത്തെ തുടര്‍ന്ന്​ സസ്‌പെന്‍ഡു ചെയ്തു. ഓഫിസില്‍ ഹാജരാകാത്തതിനാല്‍ പ്രവര്‍ത്തനം തട്ടസ്സപെടുന്നതായുള്ള വിവരത്തെതുടര്‍ന്നുള്ള അന്വേഷണത്തിലാണ് നടപടിയെന്ന് മന്ത്രിയുടെ ഓഫിസ് അറിയിച്ചു. ഐശ്വര്യയുടെയും ചേച്ചിമാരുടെയും സ്വപ്നം യാഥാർഥ്യമാകുന്നു മാരാരിക്കുളം: സ്വന്തമായി റേഷൻ കാർഡ് ഇല്ലാതിരുന്നതിനാൽ ലൈഫ്മിഷൻ പദ്ധതിയിൽ ഉൾപ്പെടാതിരുന്ന കുടുംബത്തിന്​ വീടൊരുങ്ങുന്നു. മാരാരിക്കുളം തെക്ക് പഞ്ചായത്ത് കാട്ടുങ്കൽ വീട്ടിൽ പെയിൻറിങ്​ തൊഴിലാളിയായ സുഭാഷിനാണ്​ വീട്​ ലഭിക്കുന്നത്​. പെൺമക്കളായ കൃഷ്ണേന്ദു, കാവ്യേന്ദു, ഐശ്വര്യ എന്നിവർ യഥാക്രമം പ്ലസ്​ടുവിനും പത്താം ക്ലാസിലും ഏഴാം ക്ലാസിലും പഠിക്കുന്നത്​. കുട്ടികൾക്ക് വീടൊരു വർണ സ്വപ്നമായിരുന്നു. കഴിഞ്ഞ മഴക്കാലത്ത് ചോർന്നൊലിക്കുന്ന ആ കുടിൽ നിലം പൊത്തി. തുടർന്ന് പലരുടെയും സഹായത്തോടെ ഷീറ്റ് കൊണ്ടൊരു കൊച്ച് ഷെഡ് ഒരുക്കി അതിലാണ് ആ കുടുംബം കഴിഞ്ഞിരുന്നത്. പാതിരപ്പള്ളിയിലെ പാലിയേറ്റിവ് സംഘടനയായ സ്നേഹജാലകം വഴി ധനമന്ത്രി ഡോ. തോമസ് ഐസക് മുൻകൈ എടുത്ത് സുഭാഷി​ൻെറ കുടുംബത്തിന് വീട് നിർമിച്ചു നൽകും. റാമോ ജി ഫിലിംസിറ്റിയുടെ സാമ്പത്തിക സഹായത്തോടെയാണ് വീട് നിർമാണം. സ്നേഹജാലകത്തിന് തന്നെയാണ് മേൽനോട്ട ചുമതല.ഡോ. തോമസ് ഐസക്കി​ൻെറ നിർദേശാനുസരണം ഈ മേഖലയിൽ സ്നേഹജാലകത്തി​ൻെറ മേൽനോട്ടത്തിൽ നിർമിക്കപ്പെടുന്ന ഏഴാമത്തെ വീടാണിത്. കുടുംബശ്രീയുടെ വിദഗ്ധ തൊഴിലാളികളാണ് വീട് നിർമിക്കുന്നത്. വീടി​ൻെറ ശിലാസ്ഥാപനം മന്ത്രി ഡോ. ടി.എം. തോമസ് ഐസക് നിർവഹിച്ചു. അഡ്വ. ഷീന സനൽ കുമാർ, അഡ്വ. കെ.ടി. മാത്യൂ, ഇന്ദിരതിലകൻ, എൻ.പി.സ്നേഹജൻ, ജയൻ തോമസ്, രശ്മി രാജേഷ്, കെ.ബി. അജയകുമാർ, സജിത്ത് രാജ് തുടങ്ങിയവർ ചടങ്ങിൽ പങ്കെടുത്തു. apl SHILAASTHAAPANAM