Begin typing your search above and press return to search.
exit_to_app
exit_to_app
Posted On
date_range 8 Sep 2020 11:58 PM GMT Updated On
date_range 8 Sep 2020 11:58 PM GMTമദ്യവുമായി സി.ഐ പിടിയിലായ സംഭവം: എക്സൈസ് വിജിലന്സ് വിഭാഗവും അന്വേഷണം തുടങ്ങി
text_fieldsbookmark_border
ചേര്ത്തല: എട്ടുകുപ്പി മുന്തിയ വിദേശമദ്യവുമായി എക്സൈസ് എറണാകുളം സ്ക്വാഡ് സി.ഐ ബി.എല്. ഷിബു പിടിയിലായ സംഭവത്തില് എക്സൈസ് വിജിലന്സ് വിഭാഗവും അന്വേഷണം തുടങ്ങി. വിജിലൻസ് ഓഫിസര് ചേര്ത്തലയിലെത്തി പൊലീസില്നിന്ന് വിവരങ്ങള് ശേഖരിച്ചു. വകുപ്പുതല അന്വേഷണവും നടക്കുന്നുണ്ട്. ഇദ്ദേഹത്തെ കുരുക്കിയതാണെന്ന പ്രാഥമിക നിഗമത്തിലാണ് പൊലീസ്. കാറിനു പിന്നില് മദ്യക്കുപ്പികളുടെ ബോക്സ് എത്തിച്ച എറണാകുളത്തെ എക്സൈസ് സര്ക്കിള് ഇൻസ്പെക്ടറെയും ഇതു കാറിലേക്കെത്തിച്ച ജീവനക്കാരനെയും മൊഴിയെടുക്കാന് വിളിച്ചിട്ടുണ്ട്. എക്സൈസില്നിന്നുതന്നെയാണ് സ്പിരിറ്റ് കടത്തുന്നെന്ന വിവരം കൈമാറിയതെന്ന നിഗമനത്തിലാണ് അന്വേഷണ സംഘം. എക്സൈസ് വകുപ്പിലെ പോരിൻെറ ഭാഗമാണോയെന്ന പരിശോധനയും നടക്കുന്നുണ്ട്. എല്ലാ വശങ്ങളും പരിഗണിച്ചുള്ള അന്വേഷണമാണ് നടക്കുന്നതെന്ന് ചേര്ത്തല ഡിവൈ.എസ്.പി കെ. സുഭാഷ് പറഞ്ഞു. ജില്ല നാർകോട്ടിക് സെല്ലിന് ലഭിച്ച രഹസ്യവിവരത്തെ തുടര്ന്ന് നടത്തിയ പരിശോധനയില് ഞായറാഴ്ച ദേശീയപാതയില് പൊലീസ് സ്റ്റേഷനു മുന്നിലായിരുന്നു പരിശോധന. അനുവദനീയ അളവില് കൂടുതല് മദ്യം കൈവശം വെച്ചതിനാണ് പൊലീസ് കേസെടുത്തത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story