ഐ.സി.ടി സ്കൂൾ ഗോൾഡൻ ജൂബിലി ആഘോഷങ്ങൾക്ക് തുടക്കം

പടന്ന: ഇസ്‍ലാമിക് സെന്റർ ട്രസ്റ്റി​ന്റെ (ഐ.സി.ടി) നാലുദിവസം നീണ്ടുനിൽക്കുന്ന ഗോൾഡൻ ജൂബിലി ആഘോഷങ്ങൾക്ക് തുടക്കം. ആദ്യ ദിവസം നടന്ന അലുംനി മീറ്റ് രാജ്മോഹൻ ഉണ്ണിത്താൻ എം.പി ഉദ്ഘാടനം ചെയ്തു. ഐ.സി.ടി പടന്ന ചെയർമാൻ വി.എൻ. ഹാരിസ് അധ്യക്ഷത വഹിച്ചു. ഐ.സി.ടി സെക്രട്ടറി ടി.കെ. അശ്റഫ്, ജമാഅത്തെ ഇസ്‍ലാമി വനിത വിഭാഗം ജില്ല പ്രസിഡന്റ് വി.കെ. ജാസ്മിൻ മാനേജ്മെന്റ് കമ്മിറ്റി അംഗങ്ങളായ പി.സി. അഹമ്മദ്, ബി.എസ്. ഖാലിദ് ഹാജി, വി.പി.പി. മുഹമ്മദ് കുഞ്ഞി, റഫീഖ് പോത്തുകൽ, പൂർവ വിദ്യാർഥി പ്രതിനിധികളായ ടി.കെ.പി. മുസ്തഫ, സബൂറ മിയാനത്ത് തുടങ്ങിയവർ സംസാരിച്ചു. ഐ.സി.ടി സ്കൂൾ പ്രിൻസിപ്പൽ യു.സി. മുഹമ്മദ് സാദിഖ് സ്വാഗതവും വി.കെ. അഫ്സൽ നന്ദിയും പറഞ്ഞു. പൂർവ അധ്യാപകരെ ആദരിക്കൽ, പൂർവ വിദ്യാർഥികളുടെ അനുഭവ വിവരണം, കവിതാലാപനം, ഗാനാലാപനം തുടങ്ങിയ പരിപാടികൾ അരങ്ങേറി. ശനിയാഴ്ച 4.30ന് നടക്കുന്ന പരിപാടിയിൽ ഹ്യൂമൺ വെൽഫെയർ ഫൗണ്ടേഷൻ ജനറൽ സെക്രട്ടറി ടി. ആരിഫലി ഗോൾഡൻ ജൂബിലി ബ്ലോക്കി​ന്റെ ശിലാസ്ഥാപനം നിർവഹിക്കും. പടം: ഐ.സി.ടി ഗോൾഡൻ ജൂബിലി ആഘോഷങ്ങളുടെ ഭാഗമായുള്ള അലുംനി മീറ്റ് രാജ്മോഹൻ ഉണ്ണിത്താൻ എം.പി ഉദ്ഘാടനം ചെയ്യുന്നു