HOME KERALA

കൊച്ചിയിലെ വെള്ളക്കെട്ട്​: ജനങ്ങൾക്ക്​ ജീവിക്കാനാവുന്നില്ല -ഹൈകോടതി
23, OCT 2019 - 10:57 AM

കൊച്ചി: നഗരത്തിലെ വെള്ളക്കെട്ടിൽ രൂക്ഷവിമർശനവുമായി വീണ്ടും ഹൈകോടതി. ഇക്കാര്യത്തിൽ സംസ്ഥാന സർക്കാർ എന്താണ്​ ചെയ്യാൻ ഉദ്ദേശിക്കുന്നതെന്ന്​ കോടതി ചോദിച്ചു. ജനങ്ങൾക്ക്​ ജീവിക്കാൻ കഴിയാത്ത സാഹചര്യമാണ്​ നിലവിലുള്ളതെന്നും ഹൈകോടതി നിരീക്ഷിച്ചു.

കോടതി ജനങ്ങൾക്ക്​ വേണ്ടിയാണ്​ സംസാരിക്കുന്നത്​. ഇതിൽ വിവാദത്തി​​െൻറ ആവശ്യമില്ല. വെള്ളക്കെട്ടിൽ കോർപ്പറേഷൻ ഒന്നും ചെയ്​തില്ലെന്നും ഹൈകോടതി വ്യക്​തമാക്കി. അതേസമയം, വെള്ളപ്പൊക്കവുമായി ബന്ധപ്പെട്ട പ്രശ്​നത്തിൽ എ.ജി ഹൈകോടതിയിൽ ഹാജരായി വിശദീകരണം നൽകി. സംസ്ഥാന സർക്കാർ വിഷയത്തിൽ അടിയന്തിര ഇടപെടൽ നടത്തിയെന്നാണ്​ എ.ജിയുടെ വിശദീകരണം.

അതേസമയം, വേലിയേറ്റമാണ്​ കൊച്ചിയിലെ വെള്ളപ്പൊക്കത്തിന്​ കാരണമെന്നാണ്​ കോർപ്പറേഷൻ നിലപാട്​. വേലിയിറക്കം വന്നപ്പോഴാണ്​ വെള്ളമിറങ്ങിയതെന്നും കോർപ്പറേഷൻ വ്യക്​തമാക്കി. കൊച്ചിയിലെ വെള്ളപ്പൊക്കവുമായി ബന്ധപ്പെട്ട പ്രശ്​നത്തിൽ രൂക്ഷമായ ഭാഷയിൽ കോർപ്പറേഷനെ വിമർശിച്ച്​ ഹൈകോടതി കഴിഞ്ഞ ദിവസം രംഗത്തെത്തിയിരുന്നു.