You are here

മഴക്കെടുതികൾ കേന്ദ്രസംഘത്തെ  നേരിട്ട്​ ധരിപ്പിക്കും- റവന്യുമന്ത്രി

09:55 AM
10/08/2018
E Chandrasekharan

തിരുവനന്തപുരം: മഴ​ക്കെടുതികൾ വിലയിരുത്താൻ കേരളത്തിലെത്തിയ കേന്ദ്രസംഘത്തെ നിലവിലെ സ്ഥിതിഗതികൾ അറിയിക്കുമെന്ന്​ ​റവന്യു​മന്ത്രി ഇ. ചന്ദ്രശേഖരൻ. സന്ദർഭോചിതമായാണ്​ കേന്ദ്രസംഘം എത്തിയിരിക്കുന്നത്​. ജൂൺ  രണ്ടാംവാരമുണ്ടായ വെള്ളപ്പൊക്കവും  തുടർന്നുണ്ടായ ഉരുൾപൊട്ടൽ ഉൾപ്പെടെയുള്ള ദുരന്തങ്ങളും വിലയിരുത്താനാണ്​ സംഘം കേരളത്തിലെത്തിയത്​. എന്നാൽ സ്ഥിതി അതിനേക്കാൾ രൂക്ഷമായ അവസ്ഥയിലാണെന്നും അദ്ദേഹം പറഞ്ഞു.

24 മരണങ്ങളാണ്​ കഴിഞ്ഞ ദിവസങ്ങളിൽ ഉണ്ടായത്​. പല ജില്ലകളിലും കനത്തമഴ തുടരുകയാണ്​. മഴക്കെടുതികൾ ഉണ്ടാകാതിരിക്കാൻ സർക്കാർ മുന്നരുക്കങ്ങൾ നടത്തിയിരുന്നു. അപ്രതീക്ഷിതമായി വീണ്ടും ദുരന്തങ്ങൾ ഉണ്ടായിരിക്കുയാണ്​. മഴ ദുരന്തം വിതച്ച നാലു ജില്ലകളിൽ സേനാ വിഭാഗങ്ങളെ വിന്യസിച്ചിട്ടുണ്ടെന്നും അദ്ദേഹം പറഞ്ഞു. 

ഇടുക്കി ​അണക്കെട്ടി​​െൻറ മൂന്നു ഷട്ടറുകളും തുറന്ന്​ കൂടുതൽ വെള്ളം ഒഴുക്കിവിടുന്നുണ്ട്​. പരിസരപ്രദേശങ്ങളിലും ആലുവയിലും ജലനിരപ്പുയരുന്നത്​ തടയാൻ  ഇടമലായാറിൽ നിന്നുള്ള ഒഴുക്ക്​ കുറച്ചിട്ടുണ്ട്​. ഇടമലയാറിൽ നീരൊഴുക്ക്​ സാധാരണ നിലയിലായാൽ അതി​​െൻറ ഷട്ടറുകൾ അടക്കുമെന്നും മന്ത്രി അറിയിച്ചു. 
 

Loading...
COMMENTS