അരുണിന് വീട് വെക്കാനല്ലേ; ഹൈറുൻ ഹിബ ഊരി നൽകിയത് ഒരു പവൻ മാല
text_fieldsകൊളത്തൂർ (മലപ്പുറം): അന്തിയുറങ്ങാനൊരിടമെന്ന സഹപാഠിയുടെ സ്വപ്നം യാഥാർഥ്യമാക്കാൻ ഹൈറുൻ ഹിബ ഊരി നൽകിയത് ഒരു പവൻ സ്വർണമാല. കൊളത്തൂർ നാഷനൽ ഹയർ സെക്കൻഡറി സ്കൂൾ വിദ്യാർഥി അരുൺ പ്രകാശിന് സഹപാഠികളും നാട്ടുകാരും ചേർന്നാണ് കിടപ്പാടമൊരുക്കുന്നത്.
സംഭാവനക്കായി അധ്യാപകർ സമീപിച്ചപ്പോഴാണ് പ്ലസ് വൺ കോമേഴ്സ് വിദ്യാർഥിനിയായ ഹൈറുൻ ഹിബ ആഭരണം ഊരി നൽകിയത്. പുലാമന്തോൾ ഗ്രാമപഞ്ചായത്ത് പ്രസിഡൻറ് വി.പി. മുഹമ്മദ് ഹനീഫ-ഹസീന ദമ്പതികളുടെ മകളാണ്.
വലിച്ചുകെട്ടിയ ടാർപോളിൻ ഷീറ്റിന് താഴെ ദുരിതം പേറിയാണ് കൊളത്തൂർ പടിഞ്ഞാറെ കുളമ്പ് കളരിക്കൽ അരുൺ പ്രകാശിെൻറ കുടുംബം കഴിയുന്നത്. പിതാവ് ജയപ്രകാശ് അഞ്ച് വർഷമായി രോഗബാധിതനായി കിടപ്പിലാണ്.
കൊളത്തൂരിലെ മാവേലി സ്റ്റോറിൽ താൽക്കാലിക ജീവനക്കാരിയായ മാതാവ് ആനന്ദവല്ലിയും വിവിധ രോഗങ്ങളാൽ കഷ്ടതയനുഭവിക്കുന്നു. അനിയൻ അർജുൻ പ്രകാശ് പത്താം തരം വിദ്യാർഥിയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.