കാമുകിയുമായി സൗജന്യ യാത്രക്ക് വ്യാജരേഖ​: ഇൻഡിഗോ ജീവനക്കാരൻ അറസ്​റ്റിൽ

നെടുമ്പാശ്ശേരി: കാമുകിയുമായി യാത്ര ചെയ്യാൻ കുറഞ്ഞ നിരക്കിൽ വിമാന ടിക്കറ്റ് തരപ്പെടുത്തുന്നതിന് വ്യാജരേഖ ചമ ച്ച കേസിൽ വിമാന ജീവനക്കാരനും അറസ്​റ്റിലായി. ഇൻഡിഗോ ജീവനക്കാരനായ ഭുവനേശ്വർ സ്വദേശി രാകേഷ് വ്യാസാണ് (31) അറസ്​റ്റിലായത്. കാമുകി ഒഡിഷ സ്വദേശിനി രസ്മിത ബരാലയെ (24) നേരത്തേ അറസ്​റ്റ്​ ചെയ്തിരുന്നു. അങ്കമാലി കോടതിയിൽ ഹാജരാക്കിയ ഇരുവരെയും റിമാൻഡ്​ ചെയ്തു

ഇൻഡിഗോയിൽ ജീവനക്കാരുടെ അടുത്ത ബന്ധുക്കൾക്ക് യാത്ര ചെയ്യുന്നതിന് നിരക്കിളവുണ്ട്. ഇത് പ്രയോജനപ്പെടുത്തുന്നതിനുവേണ്ടി രാകേഷി​​െൻറ സഹോദരിയുടെ ആധാർ കാർഡിൽ രസ്മിതയുടെ ഫോട്ടോമാറ്റി ഒട്ടിക്കുകയായിരുന്നു. ഇതുപയോഗിച്ച്​ ഇവർ കൊച്ചിയിൽ ഉല്ലസിക്കാനെത്തി. എന്നാൽ, തിരിച്ച് ഡൽഹിക്ക് പോകുമ്പോഴാണ് സുരക്ഷ വിഭാഗം ആധാർ കാർഡിൽ സംശയം പ്രകടിപ്പിച്ചത്. തുടർന്ന് ചോദ്യം ചെയ്തപ്പോഴാണ് ആധാർ കാർഡിൽ ഫോട്ടോ മാറ്റി ഒട്ടിച്ച വിവരം വെളിപ്പെടുത്തിയത്.