എസ്​.എഫ്​.ഐ നേതാവിന്​ മാർക്ക്​ ദാനം: എതിർത്തതിന്​ അധ്യാപികക്കുനേരെ​ ദ്രോഹമെന്ന്​ പരാതി

കോഴിക്കോട്​: കാലിക്കറ്റ്​ സർവകലാശാലയിൽ മുൻ എസ്​.എഫ്​.ഐ നേതാവായ വിദ്യാർഥിനിക്ക്​ ​വിമൻസ്​ സ്​റ്റഡീസ്​ എം.എ പരീക്ഷയിൽ ചട്ടവിരുദ്ധമായി മാർക്ക്​ ദാനം ചെയ്യുന്നതിനെ എതിർത്തതി​​െൻറ പേരിൽ അധ്യാപികക്കുനേരെ തൊഴിൽപരമായ ​േ​ദ്രാഹമെന്ന്​ പരാതി. വിമൻസ്​ സ്​റ്റഡീസ്​ വകുപ്പിലെ പ്രഫസറായ ഡോ. മോളി കുരുവിളയാണ്​ ഇതുസംബന്ധിച്ച്​ വൈസ്​ ചാൻസലർക്ക്​ പരാതി നൽകിയത​്​. വിശദീകരണംപോലും കേൾക്കാതെ വിദ്യാർഥി പരാതിപരിഹാര സമിതിയും സിൻഡിക്കേറ്റും അച്ചടക്കനടപടിക്കായി കാരണംകാണിക്കൽ നോട്ടീസ്​ അയച്ചെന്ന്​ മോളി കുരുവിള പറയുന്നു.  

ഹാജറില്ലാതെ നാലാം സെമസ്​റ്ററിൽ പ്ര​േത്യക അപേക്ഷപ്രകാരം പരീക്ഷയെഴുതിയ മുൻ എസ്​.എഫ്​.ഐ നേതാവിന്​ ഹാജറി​​െൻറ പേരിൽ ഇ​േൻറണൽ മാർക്കുകൾ അനുവദിച്ചതിലാണ്​ നഗ്​നമായ ചട്ടലംഘനമുണ്ടായത്​. 2007-2009 ബാച്ചിൽ പഠിച്ച വിദ്യാർഥിനിക്കാണ്​ മതിയായ ഹാജറില്ലാതെ മാർക്ക്​ നൽകിയത്​. മാർക്ക്​ ലഭിച്ച ശേഷം ഈ എസ്​.എഫ്​.ഐ നേതാവും ഒരു ഗവേഷകയും മോളി കുരുവിളക്കെതിരെ പരാതി നൽകുകയായിരുന്നു. തുടർന്നാണ്​ കഴിഞ്ഞ ഏപ്രിൽ 11ന്​ അധ്യാപികക്കെതിരെ അച്ചടക്കനടപടിക്ക്​ ഉത്തരവിട്ടത്​. തികച്ചും രാഷ്​ട്രീയപ്രേരിതമായാണ്​ നടപടിയെന്നാണ്​ ആക്ഷേപം. 

2010ൽ വിദ്യാർഥി പരാതിപരിഹാര സമിതി ഇ​േൻറണൽ മാർക്ക്​ വിഷയം പരിഗണിച്ചിരുന്നു. ചട്ടപ്രകാരമുള്ള മാർക്കാണ്​ നൽകിയതെന്ന്​ മോളി കുരുവിള സമിതിയെ ബോധിപ്പിച്ചിരുന്നു. എന്നാൽ, കൂടുതൽ മാർക്ക്​ ​െകാടുക്കാനായിരുന്നു തീരുമാനം. അതേസമയം, അക്കാലത്ത്​ വൈസ്​ ചാൻസലറായിരുന്ന അൻവർ ജഹാൻ സുബേരി ഇതിനോട്​ ​േയാജിച്ചില്ല. പിന്നീട്​, 2018 ഏപ്രിലിൽ ഈ വിദ്യാർഥിനി വിമൻസ്​ സ്​റ്റഡീസ്​ വകുപ്പ്​ അധ്യക്ഷയെ സമീപിക്കുകയായിരുന്നു. 

തുടർന്നാണ്​ 10​ വർഷത്തിനുശേഷം കൂടുതൽ മാർക്ക്​ അനുവദിച്ചത്​. 2010ൽ ഇ​േൻറണൽ മാർക്ക്​ പരീക്ഷഭവനി​േലക്ക്​​ അയച്ചില്ലെന്നാരോപിച്ച്​ മോളി കുരുവിളക്കെതിരെ വിദ്യാർഥിനി പരാതിയും നൽകി. വകുപ്പധ്യക്ഷ മുതൽ രജിസ്​ട്രാർ വരെയുള്ളവർക്ക്​ വിശദമായ മറുപടി ​െകാടുത്തെങ്കിലും ഭാഗം കേൾക്കാൻ അധികൃതർ വിളിച്ചുവരുത്തിയില്ലെന്ന്​ മോളി കുരുവിള പറയുന്നു. 2010ൽ വൈസ്​ ചാൻസലറുടെ ഉത്തരവ്​ നടപ്പാക്കുക മാത്രം ചെയ്​ത തനിക്ക്​ ഭരണഘടന വിഭാവനം​ ചെയ്യുന്ന തൊഴിൽ സ്വാതന്ത്ര്യം നിഷേധിക്കുന്നതായും അവർ വൈസ്​ ചാൻസലർക്ക്​ കഴിഞ്ഞ ദിവസം അയച്ച പരാതിയിൽ വ്യക്തമാക്കുന്നു. അച്ചടക്കനടപടി നീക്കം പിൻവലിക്കണ​െമന്നും അധ്യാപിക ആവശ്യ​പ്പെട്ട​ു. 

രാഷ്​ട്രീയ പകപോക്കലി​​െൻറ ഭാഗമായി േബാർഡ്​ ഓഫ്​​ സ്​റ്റഡീസ്​ അധ്യക്ഷപദവിയിൽ നിന്നടക്കം ഒഴിവാക്കിയെന്നും ആക്ഷേപമുണ്ട്​. അതേസമയം, മുൻ വി.സി ഡോ. കെ. മുഹമ്മദ്​ ബഷീറി​​െൻറ ഭരണകാലത്താണ്​ എസ്​.എഫ്​.ഐ നേതാവിന്​ മാർക്ക്​ നൽകാൻ തീരുമാനിച്ചതെന്നാണ്​ അധികൃതരു​ടെ വാദം. വിഷയത്തിൽ ശക്തമായ പ്രക്ഷോഭം നടത്തുമെന്ന്​ കെ.എസ്​.യു മലപ്പുറം ജില്ല കമ്മിറ്റി അറിയിച്ചു.