Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഹാങ്ങ്​​​ഓവർ മാറാതെ...

ഹാങ്ങ്​​​ഓവർ മാറാതെ ആപ്പ്​; മദ്യവിതരണത്തിൽ താളപ്പിഴ

text_fields
bookmark_border
ഹാങ്ങ്​​​ഓവർ മാറാതെ ആപ്പ്​; മദ്യവിതരണത്തിൽ താളപ്പിഴ
cancel

തിരുവനന്തപുരം: വ്യാഴാഴ്​ച സംസ്​ഥാനത്ത്​ മദ്യവിതരണം ആരംഭിച്ചെങ്കിലും ആപ്പി​​​​െൻറ സാ​ങ്കേതിക തകരാറുകൾ കാരണം പലയിടത്തും പ്രശ്​നങ്ങൾ സൃഷ്​ടിച്ചു. മദ്യം ബുക്ക്​ ചെയ്​തവരുടെ ഇ-ടോക്കൺ പരിശോധിക്കാൻ വിൽപ്പന കേന്ദ്രങ്ങൾക്ക്​ നൽകിയ ആപ്പ്​ പ്രവർത്തിക്കുന്നില്ലെന്ന​ പരാതി ഉയർന്നു. 

‘ബെവ്​ക്യു’ വെർച്വൽ ക്യൂ ആപ്പിൽ ബുക്ക്​ ചെയ്യു​േമ്പാൾ ലഭിക്കുന്ന ടോക്കണിലെ ക്യു.ആർ കോഡ്​ ഒൗട്ട്​ലെറ്റിലെ രജിസ്​ട്രേഡ്​ മൊബൈലിലെ ആപ്പ്​ ഉപയോഗിച്ച്​ സ്​കാൻ ചെയ്യണം. എന്നാൽ, ഇതിന്​ സാധ്യമാവാതെ വന്നതോടെ ടോക്കൺ നമ്പർ പകർത്തിയെഴുതുകയായിരുന്നു. പലയിടത്തും ബാറുകൾക്ക്​ യൂസർ നെയിമും പാസ്​വേഡും ലഭിച്ചില്ല. ഇ​െതല്ലാം കാരണം മദ്യവിതരണത്തിന്​ ഏറെതാമസം വന്നു. ഒമ്പത്​ മണിക്ക്​ ​സമയം ലഭിച്ചവർക്ക്​ ഒരു മണിക്കൂറോളം കാത്തുനിന്നാണ്​ മദ്യം ലഭിച്ചത്​. 

അഞ്ച്​ പേർ മാത്രമേ വരികളിൽ ഉണ്ടാകാൻ പാടുള്ളൂ എന്ന മാനദണ്ഡവും പലയിടത്തും ലംഘിക്കപ്പെട്ടു. നൂറുകണക്കിന്​ ആളുകളാണ്​ ഔട്ട്​ലെറ്റുകൾക്ക്​ മുമ്പിൽ ഒരേസമയം എത്തിയത്​. ഇവരെ നിയന്ത്രിക്കാൻ പൊലീസ്​ ഏറെ പാടുപെട്ടു. ഫോൺ വഴി ബുക്ക്​ ചെയ്യാത്തവരും ധാരാളം എത്തിയിരുന്നു. പ്രായമായവരായിരുന്നു ഇതിൽ കൂടുതലും. ഇവരെ ​െപാലീസ്​ തിരിച്ചയച്ചു. 

​േപ്ലസ്​റ്റോറിൽ ആപ്പ്​ കാണുന്നില്ലെന്നും ഹാങ്ങാവുകയാണെന്ന പ്രശ്​നവും ഉയർന്നു. ബുക്ക്​ ചെയ്​ത പലർക്കും 20ലധികം കിലോമീറ്ററുകൾ അകലെയുള്ള ഔട്ട്​ലെറ്റാണ്​ ലഭിച്ചതെന്നും പരാതിയുണ്ട്​. പലസ്​ഥലങ്ങളിലും വിതരണം തുടങ്ങാൻ സാധിക്കാത്തതിനെ തുടർന്ന്​ കടുത്ത പ്രതിഷേധവുമുണ്ടായി. 

ബുധനാഴ്​ച രാത്രി 11ഓടെയാണ്​ ഈ ആപ്പ്​ ഗൂഗിൾ ​േപ്ലസ്​റ്റോറിൽ ലഭ്യമായത്​. ഇതിനകം തന്നെ മൂന്ന്​ ലക്ഷം പേർ ഈ ആപ്പ്​ ഡൗൺലോഡ്​ ചെയ്​തു കഴിഞ്ഞു. എന്നാൽ, വ്യാഴാഴ്​ച രാവിലെ ആപ്പ്​ ഹാങ്ങാവുന്ന അവസ്​ഥയുണ്ടായി. പലർക്കും പുതുതായി ഡൗൺ ​ചെയ്യാൻ സാധിച്ചില്ല.

പോരായ്​മകൾ പരിഹരിക്കുമെന്ന്​ ബെവ്​കോ എം.ഡി അറിയിച്ചു. അതേസമയം, ഒ.ടി.പി ദാതാക്കളുടെ എണ്ണം കൂട്ടുമെന്ന് ബെവ്​ക്യൂ ആപ്പി​​​െൻറ ഉടമസ്​ഥരായ​ ഫെയർകോഡ്​ കമ്പനി അധികൃതർ പറഞ്ഞു. നിലവിൽ ഒരു കമ്പനി മാത്രമാണ്​ ഒ.ടി.പി നൽകുന്നത്​. ഇതാണ്​ ബുക്ക്​ ചെയ്യാൻ ശ്രമിക്കുന്ന പലർക്കും ഒ.ടി.പി ലഭിക്കാത്തതി​​​െൻറ കാരണം. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsliquorbevcoBevQbeverage corporation
News Summary - bevq app is not working
Next Story