Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightജയിലില്‍ നിരാഹാരം...

ജയിലില്‍ നിരാഹാരം കിടക്കുന്ന ഫലസ്തീന്‍ തടവുകാരന് മോചനം

text_fields
bookmark_border
ജയിലില്‍ നിരാഹാരം കിടക്കുന്ന ഫലസ്തീന്‍ തടവുകാരന് മോചനം
cancel

തെല്‍അവിവ്: 65 ദിവസമായി നിരാഹാരം കിടക്കുന്ന ഫലസ്തീന്‍ തടവുകാരന് ഇസ്രായേല്‍ ജയിലില്‍നിന്ന് മോചനം. മുഹമ്മദ് അല്ലാന്‍ എന്ന ഫലസ്തീനി യുവാവിനാണ് കരുതല്‍ തടങ്കലില്‍നിന്ന് മോചനം ലഭിക്കുന്നത്. ആരോഗ്യനില ദുര്‍ബലമായതിനാല്‍ കഴിഞ്ഞ ദിവസം സുപ്രീം കോടതി മോചിപ്പിക്കാനാവശ്യപ്പെടുകയായിരുന്നു. സുപ്രീംകോടതി വിധി വന്നതോടെ നിരാഹാരം അവസാനിപ്പിക്കാന്‍ അല്ലാന്‍ തയാറായി.
ആരോഗ്യനില വഷളായതിനെ തുടര്‍ന്ന് അല്ലാനെ ബര്‍സിലായിലെ ആശുപത്രിയിലേക്ക് മാറ്റിയിരുന്നു. നിര്‍ബന്ധിച്ച് ഭക്ഷണം കഴിപ്പിക്കാനുള്ള ശ്രമത്തിന്‍െറ ഭാഗമായാണ് ആശുപത്രിയിലേക്ക് മാറ്റിയതെന്ന് ആരോപണമുയര്‍ന്നിരുന്നു.

ഒരു ദിവസം നീണ്ട വാദങ്ങള്‍ക്ക് ശേഷമാണ് അല്ലാനെ മോചിപ്പിക്കാന്‍ കോടതി തീരുമാനിച്ചത്. നിരാഹാരം തലച്ചോറിന് ബാധിച്ചതായി ഡോക്ടര്‍ അറിയിച്ചതിനെ തുടര്‍ന്ന് ചികിത്സ തുടരാന്‍ ആവശ്യപ്പെട്ട കോടതി ബന്ധുക്കള്‍ക്ക് സന്ദര്‍ശനാനുമതി നല്‍കി. ഇസ്ലാമിക് ജിഹാദ് സംഘടനയുമായി ബന്ധമുണ്ടെന്നാരോപിച്ചാണ് അല്ലാനെ ജയിലിലടച്ചത്. സംഘടനയുമായി ബന്ധമില്ളെന്ന് വ്യക്തമാക്കിയ അല്ലാന്‍ അനിശ്ചിതകാല നിരാഹാരം ആരംഭിക്കുകയായിരുന്നു. കുറ്റപത്രം നല്‍കാതെ മാസങ്ങളോളം തടവില്‍ പാര്‍പ്പിക്കാന്‍ കരുതല്‍തടങ്കല്‍ അനുമതി നല്‍കുന്നുണ്ട്. അക്രമങ്ങള്‍ തടയാന്‍ ഇത് നിര്‍ബന്ധമാണെന്നാണ് ഇസ്രായേല്‍ അധികൃതരുടെ വാദം.

കൂടുതല്‍ ഫലസ്തീന്‍ തടവുകാര്‍ക്ക് നിരാഹാരമിരിക്കാന്‍ അല്ലാനിന്‍െറ മോചനം പ്രചോദനമാകുമെന്ന് ഇസ്രായേലിന്‍െറ സുരക്ഷാ മന്ത്രി അഭിപ്രായപ്പെട്ടു. അല്ലാനിന്‍െറ കേസ് ഇസ്രായേലിന്‍െറ കരുതല്‍ തടവിനെതിരെ അന്താരാഷ്ട്ര വിമര്‍ശമുയര്‍ത്തിയിരുന്നു.

Show Full Article
TAGS:
Next Story