Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightപ്രധാനമന്ത്രിയുടെ...

പ്രധാനമന്ത്രിയുടെ സൈനിക പരിഷ്കരണത്തിന് താക്കീതായി നാഗസാക്കി ഓര്‍മദിനം

text_fields
bookmark_border
പ്രധാനമന്ത്രിയുടെ സൈനിക പരിഷ്കരണത്തിന് താക്കീതായി നാഗസാക്കി ഓര്‍മദിനം
cancel

ടോക്യോ: നാഗസാക്കി ദുരന്തത്തിന്‍െറ എഴുപതാം സ്മരണ ദിനം പ്രധാനമന്ത്രി ഷിന്‍സോ ആബെയുടെ പുതിയ സൈനിക നയത്തിന് താക്കീതായി മാറി. രാജ്യത്തിന് പുറത്തുള്ള സൈനികര്‍ക്ക് ആയുധം ഉപയോഗിക്കാനുള്ള അനുമതി പുന$സ്ഥാപിച്ച നയത്തിനെതിരെയുള്ള പ്രതിഷേധം കൂടിയായി നാഗസാക്കി ദിനം. രണ്ടാം ലോകയുദ്ധത്തിന് ശേഷം എടുത്തുമാറ്റിയ അനുമതി നിലവിലെ പ്രധാനമന്ത്രി ഷിന്‍സോ ആബെയാണ് പുന$സ്ഥാപിച്ചത്.
അനുസ്മരണച്ചടങ്ങില്‍ സമാധാന പ്രഖ്യാപനം നടത്തിയ നാഗസാക്കി മേയര്‍ തോമിഹിസ തായു രാജ്യം ഇതുവരെ തുടര്‍ന്നു വന്നിരുന്ന യുദ്ധവിരുദ്ധ സമീപനം മാറ്റാനുള്ള ആബെയുടെ ശ്രമത്തിനെ വിമര്‍ശിച്ച് സംസാരിച്ചു. നാഗസാക്കി ദുരന്തത്തിന്‍െറ ഇപ്പോഴും ജീവിച്ചിരിക്കുന്ന ഇര 86കാരന്‍ സുമിതേരു തനിഗുച്ചി പ്രധാനമന്ത്രിയുടെ പുതിയ നിയമനിര്‍മാണം സ്വീകാര്യമല്ളെന്ന് പറഞ്ഞു. രാജ്യത്തെ വിവിധയിടങ്ങളില്‍ പുതിയ സൈനിക നയത്തിനെതിരെ ജനങ്ങള്‍ പ്രതിഷേധങ്ങള്‍ ഉയര്‍ത്തി.
അതേസമയം, 74,000 ത്തോളം പേരുടെ ജീവിതം നഷ്ടപ്പെടുത്തിയ മഹാദുരന്തത്തെ വിവിധ പരിപാടികളോടെയാണ് ജപ്പാനില്‍ കഴിഞ്ഞ ദിവസം ആചരിച്ചത്. 1945 ആഗസ്റ്റ് ഒമ്പതിന് പകല്‍ 11.02 നായിരുന്നു അമേരിക്ക നാഗസാക്കിയില്‍ അണുബോംബ് വര്‍ഷിച്ചത്. ഇന്നലെ അതേസമയത്ത് ദുരന്തത്തില്‍നിന്നും അതിജീവിച്ചരും ഇരകളുടെ ബന്ധുക്കളുമുള്‍പ്പെടെ പതിനായിരങ്ങള്‍ രാജ്യത്ത് ഒരു മിനുട്ട് മൗനം ആചരിച്ചു. യു.എസ് അംബാസഡര്‍ കറോലിന്‍ കെന്നഡിയുള്‍പ്പെടെ 75 രാജ്യ പ്രതിനിധികള്‍ സ്മാരകങ്ങളില്‍ പുഷ്പചക്രം സമര്‍പ്പിച്ചു. ജപ്പാന്‍ പ്രധാനമന്ത്രി ഷിന്‍സോ ആബെ അനുസ്മരണ പരിപാടികള്‍ക്ക് നേതൃത്വം നല്‍കി.
‘ഒരേ ഒരു രാഷ്ട്രം മാത്രമേ യുദ്ധത്തില്‍ അണുബോംബ് ആക്രമണത്തിന് ഇരയായിട്ടുള്ളു.  ഈ സന്ദര്‍ഭത്തില്‍ ആണവ നിരായുധീകരണത്തിനുള്ള ആഗോളശ്രമം നയിക്കാന്‍ ദൃഢനിശ്ചയമുണ്ടാകണമെന്ന് ഓര്‍മിപ്പിക്കാനുള്ളത്’ -അനുസ്മരണ പ്രഭാഷണത്തില്‍ ആബെ പറഞ്ഞു. ജപ്പാന്‍ ഭൂപ്രദേശത്ത് ആണവായുധങ്ങള്‍ ഉല്‍പാദിപ്പിക്കുകയോ കൈവശംവെക്കുകയോ അനുവദിക്കുകയില്ല എന്ന ദീര്‍ഘകാലമായി തുടരുന്ന നയങ്ങള്‍ ശക്തമായി തുടരുമെന്ന് അദ്ദേഹം വാഗ്ദാനം നല്‍കി.

Show Full Article
TAGS:
Next Story