Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightഅഫ്ഗാനില്‍ വീണ്ടും...

അഫ്ഗാനില്‍ വീണ്ടും ചാവേര്‍ സ്ഫോടനം; 29 മരണം

text_fields
bookmark_border
അഫ്ഗാനില്‍ വീണ്ടും ചാവേര്‍ സ്ഫോടനം; 29 മരണം
cancel

കാബൂള്‍: അഫ്ഗാനിസ്താനില്‍ ചാവേര്‍ സ്ഫോടനപരമ്പര തുടരുന്നു. ഇന്നലെ വടക്കന്‍ അഫ്ഗാനിലെ കുന്തൂസ് പ്രവിശ്യയിലെ ഖാന്‍ അബാദ് ജില്ലയിലുണ്ടായ സ്ഫോടനത്തില്‍ 29 പേര്‍ കൊല്ലപ്പെട്ടു. സുരക്ഷാ സൈനികരുമായി ഏറ്റുമുട്ടിയ സായുധസംഘത്തില്‍പെട്ടവരാണ് കൊല്ലപ്പെട്ടവരിലധികവുമെന്ന് അഫ്ഗാന്‍ ഒൗദ്യോഗികവൃത്തങ്ങള്‍ അറിയിച്ചു.
കഴിഞ്ഞദിവസം വൈകീട്ട് നടന്ന കുറ്റവാളിസംഘത്തിന്‍െറ യോഗം ലക്ഷ്യവെച്ചാണ് ചാവേര്‍ സ്ഫോടനം നടന്നതെന്നും കൊല്ലപ്പെട്ട 25 പേര്‍ ഈസംഘത്തില്‍പെട്ടവരാണെന്നുമാണ് വിവരം. മറ്റ് നാലുപേര്‍ സിവിലിയന്മാരാണെന്ന് ഖാന്‍ അബാദ് ജില്ലാ തലവന്‍ ഹയാത്തുല്ല അമരി പറഞ്ഞു. 15 സിവിലിയന്മാരുള്‍പ്പടെ 19 പേര്‍ക്ക് പരിക്കേറ്റതായും അദ്ദേഹം പറഞ്ഞു.
ആക്രമണത്തിന്‍െറ ഉത്തരവാദത്തം മാധ്യമങ്ങള്‍ക്കയച്ച ഇ-മെയിലിലൂടെ താലിബാന്‍ ഏറ്റെടുത്തു. അഫ്ഗാനില്‍ കഴിഞ്ഞ ദിവസങ്ങളിലുണ്ടായ വിവിധ സ്ഫോടനങ്ങളില്‍ 50തിലധികമാളുകള്‍ കൊല്ലപ്പെട്ടിരുന്നു.

Show Full Article
TAGS:
Next Story