Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഇസ്രായേല്‍...

ഇസ്രായേല്‍ കുടിയേറ്റക്കാര്‍ വീടിന് തീയിട്ട സംഭവം: പിതാവും മരണത്തിന് കീഴടങ്ങി

text_fields
bookmark_border
ഇസ്രായേല്‍ കുടിയേറ്റക്കാര്‍ വീടിന് തീയിട്ട സംഭവം: പിതാവും മരണത്തിന് കീഴടങ്ങി
cancel

വെസ്റ്റ്ബാങ്ക്: ഇസ്രായേല്‍ കുടിയേറ്റക്കാര്‍ അര്‍ധ രാത്രിയില്‍ വീടിന് തീയിട്ട സംഭവത്തില്‍ ഗുരുതരമായി പൊള്ളലേറ്റ സഅദ് ദവാബ്ശെഹ്(32) ആശുപത്രിയില്‍ മരണത്തിന് കീഴടങ്ങി. ദവാബ് ശെഹിന്‍െറ 18 മാസം പ്രായമായ പിഞ്ചുകുഞ്ഞ് സംഭവ ദിവസം തന്നെ വെന്തുമരിച്ചിരുന്നു. ഇദ്ദേഹത്തിന്‍െറ ഭാര്യ റിഹാമും നാല് വയസുകാരന്‍ അഹമ്മദും ഗുരുതര പൊള്ളലോടെ ആശുപത്രിയില്‍ കഴിയുകയാണ്.

ജൂലൈ 3ന് അര്‍ധ രാത്രിയിലാണ് വെസ്റ്റ് ബാങ്കിലെ ദുമ ഗ്രാമത്തിലെ ദവാബ്ശെഹിന്‍െറതടക്കം രണ്ടു വീടുകള്‍ക്ക് അനധികൃത കുടിയേറ്റക്കാര്‍ വീട്ടുകാര്‍ ഉറങ്ങിക്കിടക്കവെ തീവെച്ചത്. വീടിന്‍റെ ചുവരില്‍ അക്രമികള്‍ ‘പ്രതികാരം’ ‘മിശിഹ നീണാല്‍ വാഴട്ടെ’ എന്ന് ഹീബ്രു ഭാഷയില്‍ എഴുതിവെക്കുകയും ചെയ്തിരുന്നു. വീടുകളില്‍ ഒന്നില്‍ ആള്‍പാര്‍പ്പില്ലായിരുന്നു.

1967ല്‍ വെസ്റ്റ് ബാങ്കില്‍ ഇസ്രായേല്‍ അധിനിവേശം തുടങ്ങിയതു മുതല്‍ 100ഓളം കുടിയേറ്റ കെട്ടിട ശൃംഖലയിലൂടെ 5,00,000 ലക്ഷത്തോളം ജൂതന്‍മാരാണ് ഇവിടെ താമസിച്ചുവരുന്നത്. അന്തര്‍ദേശീയ നിയമങ്ങള്‍ക്കെതിരാണ് ഈ കുടിയേറ്റമെങ്കിലും ഇസ്രായേല്‍ ഇതിന് എല്ലാ സൗകര്യങ്ങളും നല്‍കി വരികയാണ്.

 

Show Full Article
TAGS:
Next Story