Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightഇറാന്‍ ആണവകരാര്‍:...

ഇറാന്‍ ആണവകരാര്‍: കോണ്‍ഗ്രസില്‍ ഒബാമ പ്രചാരണം തുടങ്ങി

text_fields
bookmark_border
ഇറാന്‍ ആണവകരാര്‍: കോണ്‍ഗ്രസില്‍ ഒബാമ പ്രചാരണം തുടങ്ങി
cancel

വാഷിങ്ടണ്‍: അമേരിക്കന്‍ കോണ്‍ഗ്രസില്‍ ഇറാനുമായുള്ള ആണവകരാറിന് അനുകൂലമായ അഭിപ്രായരൂപവത്കരണത്തിനായി പ്രസിഡന്‍റ് ബറാക് ഒബാമ പ്രചാരണം തുടങ്ങി. സ്വകാര്യ പ്രചാരണം വഴിയും പൊതു പ്രസംഗങ്ങള്‍ വഴിയും അടുത്ത ഏതാനും ആഴ്ചകൊണ്ട് കരാറിന് അനുകൂല സാഹചര്യം ഒരുക്കുകയാണ് ലക്ഷ്യം. ബുധനാഴ്ച വാഷിങ്ടണിലെ അമേരിക്കന്‍ യൂനിവേഴ്സിറ്റിയില്‍ നടന്ന പ്രഭാഷണത്തോടെയായിരുന്നു തുടക്കം.
യുദ്ധ അനുമതിക്കായി കോണ്‍ഗ്രസില്‍ നടന്ന വോട്ടെടുപ്പിനുശേഷം അത്രയും പ്രാധാന്യവും പ്രത്യാഘാതങ്ങളുമുള്ള വോട്ടെടുപ്പാണ് ഇറാന്‍ ആണവകരാര്‍ വിഷയത്തില്‍ നടക്കാനിരിക്കുന്നത്. ആണവ കരാര്‍ നടപ്പാക്കുന്നതിലെ തടസ്സങ്ങള്‍ നീക്കുന്നതിലും ഉപരോധം അവസാനിപ്പിക്കുന്നതിലും അമേരിക്കയുടെ വിശ്വാസ്യത ചോദ്യം ചെയ്യലാവും എതിരായ വോട്ടെന്ന് വൈറ്റ് ഹൗസ് വൃത്തങ്ങള്‍ പറഞ്ഞു. ഇസ്രായേല്‍ അനുകൂല ഗ്രൂപ്പായ ഐപാക് ടെലിവിഷന്‍ വഴിയും അല്ലാതെയും വന്‍ കാമ്പയിനുമായി രംഗത്തത്തൊനുള്ള സാധ്യത മുന്‍കൂട്ടിക്കണ്ട് ഡെമോക്രാറ്റുകളെ പരമാവധി അനുകൂലമായി നിലനിര്‍ത്താനാണ് ആദ്യഘട്ട ശ്രമം.

Show Full Article
TAGS:
Next Story