Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightഅഭയാര്‍ഥികളുമായി പോയ...

അഭയാര്‍ഥികളുമായി പോയ ബോട്ട് മുങ്ങി; നൂറുകണക്കിന് പേരെ കാണാതായി

text_fields
bookmark_border
അഭയാര്‍ഥികളുമായി പോയ ബോട്ട് മുങ്ങി; നൂറുകണക്കിന് പേരെ കാണാതായി
cancel

ട്രിപളി: ലിബിയയില്‍നിന്ന് ആഫ്രിക്കന്‍ അഭയാര്‍ഥികളുമായി യൂറോപ്പ് ലക്ഷ്യമിട്ട് പുറപ്പെട്ട ബോട്ട് മെഡിറ്ററേനിയന്‍ സമുദ്രത്തില്‍ മുങ്ങി നൂറുകണക്കിന് പേരെ കാണാതായി. സിസിലിക്കു സമീപം കടലില്‍ അപകടമുഖത്തായ ബോട്ടില്‍നിന്ന് അപായസന്ദേശം അയച്ചതിനെ തുടര്‍ന്ന് എത്തിയ കപ്പലുകളിലേക്ക് രക്ഷപ്പെടാനുള്ള തിരക്കിനിടെയാണ് വന്‍ ദുരന്തം. മെഡിസിന്‍സ് സാന്‍സ് ഫ്രോണ്ടിയേഴ്സിന്‍െറ ‘ഡിഗ്നിറ്റി’, അയര്‍ലന്‍ഡ് നിരീക്ഷണ കപ്പല്‍ ലെ നിയാമ എന്നിവക്കു മുന്നില്‍ വെച്ചാണ് അപകടമുണ്ടായത്. യാത്രക്കാര്‍ കൂട്ടമായി ഒരു വശത്തേക്ക് നീങ്ങിയതോടെ തിങ്ങിനിറഞ്ഞ മത്സ്യ ബന്ധന ബോട്ട് മറിയുകയായിരുന്നു. നൂറിലേറെ യാത്രക്കാരെ മുങ്ങാനടുത്ത നിലയില്‍ കണ്ടത്തെിയതായി അയര്‍ലന്‍ഡ് കപ്പലിലുണ്ടായിരുന്ന തീരദേശ സേന അറിയിച്ചു. 16 പേരുടെ മരണം സ്ഥിരീകരിച്ചിട്ടുണ്ട്. മൊത്തം 700 പേര്‍ ബോട്ടിലുണ്ടായിരുന്നതായാണ് സൂചന.  250 ഓളം പേരെ രക്ഷിക്കാനായിട്ടുണ്ട്. അവശേഷിച്ചവരെകൂടി രക്ഷപ്പെടുത്താന്‍ ശ്രമം തുടരുകയാണ്. ഇറ്റാലിയന്‍ നാവികസേനയാണ് രക്ഷാപ്രവര്‍ത്തനം ഏകോപിപ്പിക്കുന്നത്. നിരവധി കപ്പലുകളും മൂന്ന് ഹെലികോപ്റ്ററുകളും സ്ഥലത്തത്തെിയിട്ടുണ്ട്.
മോശം കാലാവസ്ഥയാണ് വില്ലനായതെന്നാണ് സൂചന. ലിബിയന്‍ തീരത്തുനിന്ന് 25 കി.മീ.അകലെയാണ് അപകടം നടന്നത്.
മെഡിറ്ററേനിയന്‍ കടലില്‍ ഈ വര്‍ഷം ഇതുവരെ അപകടത്തില്‍ 2000ത്തില്‍പരം ആളുകള്‍ മരിച്ചതായി അന്താരാഷ്ട്ര കുടിയേറ്റ സംഘടന ഐ.ഒ.എം പറഞ്ഞു. കഴിഞ്ഞ വര്‍ഷത്തെ അപേക്ഷിച്ച് ആഫ്രിക്കന്‍ തീരങ്ങളില്‍നിന്ന് യൂറോപ്പിലേക്ക് കുടിയേറുന്നവരുടെ എണ്ണം വന്‍തോതില്‍ വര്‍ധിച്ചിട്ടുണ്ട്. ആഫ്രിക്കന്‍  രാജ്യങ്ങളിലെ ദുസ്സഹമായ ജീവിതസാഹചര്യങ്ങളില്‍നിന്ന് രക്ഷപ്പെട്ട് യൂറോപ്പില്‍ അഭയംതേടുന്നവരാണ് ഏറെയും.
 

Show Full Article
TAGS:
Next Story