ഇ​ന്ത്യ-​ഒാ​സീ​സ്​ മ​ത്സ​രം കാണാനെത്തിയ മല്യയെ വളഞ്ഞിട്ട്​ കള്ളനെന്ന്​ വിളിച്ച്​ ഇന്ത്യക്കാർ -വിഡിയോ

ല​ണ്ട​ൻ: ലോ​ക​ക​പ്പി​ൽ ഇ​ന്ത്യ-​ഒാ​സീ​സ്​ മ​ത്സ​രം കാ​ണാനെത്തിയ വിവാദ വ്യവസായി വി​ജ​യ്​ മ​ല്യ​ക്കെതിരെ ‘കള്ളൻ’ എന്ന്​ ആക്രോശിച്ച്​ ഇന്ത്യൻ സംഘം. കെ​ന്നി​ങ്​​ട​ൺ ഒാ​വ​ൽ സ്​റ്റേഡിയത്തിൽ നിന്ന്​ കളി കണ്ട്​ മടങ്ങു കയായിരുന്ന മല്യയെ തിരിച്ചറിഞ്ഞ ഇന്തൻ പൗരൻമാരുടെ സംഘം ‘നിങ്ങൾ കള്ളനാണ്​’ എന്ന്​ മുദ്രാവാക്യം മുഴക്കി വളയുകയ ായിരുന്നു.

ഇ​ന്ത്യ​യി​ൽ 9000 കോ​ടി​യു​ടെ ത​ട്ടി​പ്പ്​ കേ​സി​ൽ പ്ര​തി​യാ​യ മ​ല്യ മ​ക​ൻ സി​ദ്ധാ​ർ​ഥി​നൊ​പ ്പ​മാ​ണ്​ കളി കാണാനെ​ത്തി​യ​ത്. എന്നാൽ സ്​റ്റേഡിയത്തി​​െൻറ പുറത്തിറങ്ങുന്ന വഴിയിൽ മല്യയെ ഇന്ത്യയിൽ നിന്നെത്തിയ കാണികൾ തടയുകയായിരുന്നു. ഒരു മനുഷ്യനെന്ന നിലയിൽ സ്വന്തം രാജ്യത്തോട്​ ചെയ്​തതിൽ മാപ്പ്​ ചോദിക്കണമെന്നും ആളുകൾ വിളിച്ചു പറഞ്ഞു.

‘ആളുകൾ വളഞ്ഞപ്പോൾ കൂടെയുണ്ടായിരുന്ന അമ്മയെ സുരക്ഷിതമാക്കാനാണ്​ ശ്രമിച്ചത്​. കേസിൽ ജൂലൈയിൽ വിചാരണ നടക്കാൻ പോവുകയാണ്​. അത്​ സംബന്ധിച്ച്​ പ്രതികരിക്കാനില്ല’ - മല്യ വാർത്താ ഏജൻസിയോട്​ പറഞ്ഞു.

#WATCH London, England: Vijay Mallya says, "I am making sure my mother doesn't get hurt", as crowd shouts "Chor hai" while he leaves from the Oval after the match between India and Australia. pic.twitter.com/ft1nTm5m0i

— ANI (@ANI) June 9, 2019

മകനൊപ്പം ക്രിക്കറ്റ്​ മത്സരം കാണുന്നതി​​െൻറ ചിത്രം മല്യ നേരത്തെ ട്വീറ്റ്​ ചെയ്​തിരുന്നു.

മ​ല്യ​യെ ഇ​ന്ത്യ​ക്ക്​ കൈ​മാ​റു​ന്ന​തി​ന്​ വെ​സ്​​റ്റ്​​മി​നി​സ്​​റ്റ​ർ കോ​ട​തി ക​ഴി​ഞ്ഞ ഡി​സം​ബ​റി​ൽ ഉ​ത്ത​ര​വി​ട്ടി​രു​ന്നു. ഇ​തി​ൽ ബ്രി​ട്ടീ​ഷ്​ ആ​ഭ്യ​ന്ത​ര സെ​ക്ര​ട്ട​റി സാ​ജി​ദ്​ ജാ​വി​ദ്​ ഫെ​ബ്രു​വ​രി​യി​ൽ ഒ​പ്പു​വെ​ക്കു​ക​യും ചെ​യ്​​തു.

എ​ന്നാ​ൽ, ഇ​തി​നെ​തി​രെ മ​ല്യ ഹൈ​കോ​ട​തി​യി​ൽ അ​പ്പീ​ൽ ന​ൽ​കി. ഇ​തി​ൽ ജൂ​ലൈ ര​ണ്ടി​ന്​ വാ​ദം​കേ​ൾ​ക്കും. ഇ​തും ത​ള്ളി​യാ​ൽ മ​ല്യ​ക്ക്​ യൂ​റോ​പ്യ​ൻ മ​നു​ഷ്യാ​വ​കാ​ശ കോ​ട​തി​യെ സ​മീ​പി​ക്കാം.