എം.എ ഗണപതി പുതിയ സിവിൽ ഏവിയേഷൻ സെക്യൂരിറ്റി ബ്യൂറോ ഡയറക്ടർ ജനറൽ

ന്യൂഡൽഹി: മുതിർന്ന ഐ.പി.എസ് ഉദ്യോഗസ്ഥനായ എം.എ ഗണപതിയെ സിവിൽ ഏവിയേഷൻ സെക്യൂരിറ്റി ബ്യൂറോ (ബി.സി.എ.എസ്) ഡയറക്ടർ ജനറലായി നിയമിച്ചു.

വ്യോമയാന മന്ത്രാലയത്തിന്‍റെ ശിപാർശ പ്രകാരമാണ് കേന്ദ്ര മന്ത്രിസഭാ സമിതിയുടെ നിയമനം. 1986 ബാച്ച് ഉത്തരാഖണ്ഡ് കേഡർ ഐ.പി.എസ് ഒാഫീസറായ ഗണപതിക്ക് 2024 ഫെബ്രുവരി വരെ സർവീസ് ഉണ്ട്.

1984 ബാച്ച് ഐ.പി.എസ് ഒാഫീസറും മുൻ ഡയറക്ടർ ജനറലുമായ രാകേഷ് അസ്താനയുടെ ഒഴിവിലാണ് പുതിയ നിയമനം. ആഗസ്റ്റിൽ അസ്താനയെ അതിർത്തി രക്ഷാസേനയുടെ ഡയറക്ടർ ജനറലായി കേന്ദ്ര സർക്കാർ നിയമിച്ചിരുന്നു.